Comeza a reforma da área infantil da Xunqueira en Ponte Sampaio
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Coa retirada das vellas randeeiras iniciáronse os traballos de reforma integral do parque infantil situado na zona de Xunqueira da parroquia de Ponte Sampaio. O Concello recibiu a aprobación por parte do servizo de Costas para poder executar o proxecto.
A instalación será ampliada e pasará de ocupar os 145 metros cadrados actuais para ofrecer unha superficie total de 225 metros cadrados. Esta decisión, segundo o goberno local, adóptase ante a gran influencia de escolares a este recinto.
A concellería que xestiona Raimundo González Carballo tamén decidiu a retirada do valo actual, que se atopa oxidado. As randeeiras, segundo os técnicos municipais, non eran reparables e decidiuse substituílos. Os bancos de pedra existentes serán retirados durante os traballos para despois reinstalarlos neste espazo.
Ademais, cambiarase o chan actual de caucho; instalarase un valo de madeira de sesenta metros de lonxitude e un metros de altura; ademais de implantar novos elementos dun xogo como un barco, un carrusel giratorio, un minitobogán, un xogo de resorte de dúas prazas e un bambán dobre.
O orzamento total ascende a 48.350 euros, segundo indica o Concello de Pontevedra.
Relacionadas:
-
Ponte Sampaio inaugurará cunha festa o seu parque infantil remodelado
Por Alba Feijoo Alonso |
-
Desbloqueada a ampliación e renovación da área infantil da Xunqueira de Ponte Sampaio
Por Redacción |
-
Seis anos pendentes de Costas en Ponte Sampaio: a falta de permisos impide mesmo mellorar o parque infantil
Por Natalia Puga & Mónica Patxot |