O goberno local de Pontevedra esixe á Xunta solucións para evitar que pedir cita médica sexa unha "odisea"
Por Redacción
A situación da sanidade pública na cidade de Pontevedra e, en concreto, na Atención Primaria é un "despropósito". Así o determinaron os concelleiros que participaron na Xunta de Goberno de Pontevedra este luns, un encontro no que decidiron reclamar á Consellería de Sanidade medidas efectivas que garantan o correcto funcionamento do sistema sanitario e unha mellor atención aos pacientes.
Anabel Gulías, portavoz do goberno local, sinalaba que ás veces conseguir unha cita para o médico de cabeceira é unha "odisea que pasa por colas, semanas de espera...", unha situación que finaliza cun colapso nos Puntos de Atención Continuada (PACs) dos centros de saúde.
Desde o goberno local entenden que esta situación permanece no tempo e por este motivo rexeitan as escusas de que era un problema concreto debido ás vacacións dos facultativos ou pola covid-19. Gulías lembrou que en agosto xa lle trasladaron ao conselleiro Julio García Comesaña a preocupación por este problema e aínda que desde a Xunta de Galicia realizáronse algúns anuncios, pero "todo parece que queda en mera propaganda". "A foto fixa da sanidade en Pontevedra dista moito daquelas promesas, seguimos sen médicos e sen unha atención digna", afirmou a portavoz municipal.
Por este motivo, reclaman que se poñan encima da mesa medidas efectivas e actuacións imprescindibles para garantir o correcto funcionamento da sanidade pública no municipio.
Relacionadas:
-
O Colexio Oficial de Médicos de Pontevedra rompe relacións coa Consellería de Sanidade
Por Redacción |
-
"A política de recortes na sanidade pública por parte da Xunta de Galicia maltrata aos sanitarios e condena aos usuarios á morte por desatención"
Por Redacción |
-
Un día antes da concentración de protesta o Sergas cubre seis das sete prazas de medicina familiar no centro de saúde do Grove
Por Oskar Viéitez |
-
O número de ausencias de facultativos nos PAC da área sanitaria de Pontevedra é o máis elevado de Galicia
Por Anxo Lourido |
-
A falta de médicos no PAC provoca un Pleno Extraordinario no Concello de Caldas de Reis
Por Oskar Viéitez |
-
José Flores anuncia a reactivación do consultorio de Vilaxoán a partir do 10 de novembro
Por Redacción |
-
Venres de horror no centro de saúde Virxe Peregrina ante a ausencia de médicos
Por Anxo Lourido & Mónica Patxot |
-
Os municipios da comarca mostran a súa inquietude pola "preocupante" situación da atención primaria
Por Diego Espiño |
-
O Sergas inicia a negociación do plan de ordenación de recursos humanos de atención primaria
Por Redacción |