As aguas dos dous mananciais termais de Ponte Caldelas superan os 32 graos
Por Redacción
Novo paso no obxectivo de que Ponte Caldelas poida contar o antes posible cunha estación termal que herde a tradición que sempre tivo o municipio como área de balneario.
Xa está a exposición pública a solicitude de declaración de termalidade das augas dos mananciais identificados como Daniela I e Daniela II, situados nos terreos do antigo balneario, que desde o ano 2017 son propiedade do Concello de Ponte Caldelas.
Os dous mananciais de augas termais están ubicados na marxe dereita do río Verdugo e as augas manan a unha temperatura de 34 na captación Daniela II e a 32 grados en Daniela I.
O alcalde de Ponte Caldelas, Andrés Díaz, recalca a importancia de avanzar neste proxecto que devolverá á vila "o prestixio termal que nunca debeu perder".
Recoñece o rexedor que os trámites "son longos e lentos", pero asegura que o seu "empeño" é impulsar o proxecto da estación termal "e non vou parar ata conseguilo".
"As 'caldas' da nosa terra son un prestixio e un privilexio que debemos valorar e do que, como pobo, nos debemos sentir moi orgullosos", explica o alcalde.
O goberno municipal, de xeito paralelo á tramitación das augas, segue a traballar para conseguir a financiación necesaria para construír a estación termal, apostando por un edificio "modesto, eficiente, sostible e integrado co entorno do río Verdugo".
Relacionadas:
-
O Goberno compromete axuda económica para o futuro balneario de Ponte Caldelas
Por Redacción |
-
As augas captadas nos pozos Daniela I e Daniela II obteñen a condición termal
Por Redacción |
-
A Estación Termal de Ponte Caldelas pronto será unha realidade: "É un empeño persoal meu e non pararei ata conseguilo"
Por Redacción |
-
Limpan o ámbito do balneario días antes de presentar o proxecto da estación termal
Por Redacción |