"Éxito rotundo" da Festa da Investigación de Tomeza, que entregou 3.500 euros para a investigación do cancro
Por Redacción
A Festa da Investigación de Tomeza que cada ano organiza a pontevedresa Loli Beloso celebrouse esta fin de semana nun lugar pouco habitual, a igrexa de San Pedro.
Como é habitual, a festa ten un espírito solidario e o seu momento central é a entrega de fondos ao doutor Ángel Carracedo, coordinador do Grupo de Medicina Xenómica da Universidade de Santiago de Compostela, para contribuír ás súas investigacións sobre o cancro.
Nesta ocasión, entregáronse a Carracedo 3.500 euros recadados durante os últimos meses como resultado de distintas accións como a venda de libros e xoias solidarias de Loli Beloso.
A festa foi, para Loli Beloso, un "éxito rotundo" e, a pesar do mal tempo, a igrexa encheuse.
A cita festiva e solidaria tamén serviu para presentar o novo libro de Beloso, 'Ledi e a súa biblioteca ambulante', que ten prólogo de Felipe-Senén e está ilustrado polo pintor pontevedrés Tomi Castiñeira.
A organizadora quixo agradecer ao sacerdote de San Pedro de Tomeza, don Casimiro, a cesión da igrexa e tamén amosou a súa gratitude con Felipe-Senén polo prólogo da súa nova publicación e coa Xoiería Suárez e o Hotel Villa de Marín. .
Entre os asistentes estaban tamén o escultor de Tomeza Daniel Acuña.
Relacionadas:
-
Entrega de 3.000 euros á Fundación Galega de Medicina Xenómica na Festa da Investigación de Tomeza
Por Redacción |
-
A Festa da Investigación de Tomeza celebra a súa sétima edición en beneficio da Fundación de Medicina Xenómica
Por Natalia Puga |
-
Arte e xoias solidarias cruzan o Atlántico desde Pontevedra a Arxentina
Por Redacción |
-
Festa solidaria en Tomeza en favor da Fundación de Medicina Xenómica
Por Redacción |
-
Pontevedra lembra a Carmen Arias, Mimina, "a xoia máis marabillosa de Isaac Diaz Pardo e Galicia"
Por Natalia Puga |
-
A obra humana de Isaac Diaz Pardo segue viva na II Festa da Investigación de Tomeza
Por Redacción & Diego Torrado |