Debut busca modelos para vestir as dez coleccións que se presentarán este ano
Por Redacción
Os futuros deseñadores profesionais que participarán na pasarela Debut 2022 están xa a ultimar as coleccións que presentarán no evento. Pero, para poder facelo, necesitan modelos. De aí que se abrira a convocatoria do casting anual de interesados en vestir estas creacións.
O desfile vaise a celebrar o próximo venres 18 de novembro no Recinto Ferial e os organizadores precisan medio cento de voluntarios e voluntarias.
Ao longo deste mes de outubro, as persoas interesadas poden inscribirse no despacho do Máster en Deseño e Dirección Creativa en Moda, na Facultade de Belas Artes.
Alí tomaráselles unha serie de medidas e fotografías de cara ao proceso de selección final, que virá determinado polas características e necesidades das coleccións que se presenten no desfile.
"É unha actividade totalmente amateur, que para moitos supón a súa primeira experiencia cun mundo que ás veces chama moito a atención", recoñece a directora do máster, Lola Dopico, que explica que nesta ocasión serán dez as coleccións que se presenten en Debut.
A elas sumaranse unha serie de traballos realizados o pasado ano por alumnado de primeiro curso do máster, tanto roupa feminina como masculina.
Dopico lembra que as coleccións son proxectos académicos que non responden a tallas estándar polo que "ás veces necesitan xente máis alta ou máis miúda", polo que anima a que todos os interesados se anoten para participar no desfile.
Relacionadas:
-
'La mano de D10s', a colección de Natalia Belén de Roia, vencedora en Debut 2022
Por Redacción |
-
Regresa Debut, moito máis que un desfile de moda que abre as portas da Universidade á sociedade
Por Natalia Puga |
-
'Queridas cousas: historias vestidas' ofrece no Pazo da Cultura proxectos experimentais de Esdemga
Por Mónica Patxot & Redacción |
-
A homenaxe de Noemí Montenegro á súa avoa gaña Debut 2021
Por Redacción & Cristina Saiz |
-
Debut regresa ao formato presencial con máis de 300 estilismos do alumnado de Esdemga
Por Mónica Patxot & María José Pita |