Raíña Vitoria prepárase para acoller o futuro 'skate-praza'
Por Alejandro Espiño
Ata 735 metros cadrados ocupará o skate-park que o Concello habilitará en Raíña Vitoria. Será entre o IES Sánchez Cantón e a entrada do aparcamento subterráneo da Alameda. A previsión municipal é que poida inaugurarse dentro dun mes.
As obras para a súa instalación comezarán este xoves 8 de setembro, segundo avanzou o edil de Mobilidade, Demetrio Gómez, que presentou os detalles do proxecto xunto a unha das súas autoras, a arquitecta Andrea Ricoy, o estudo SR Skateparks de Pontevedra.
"Máis que un skate-park será un 'skate-praza' polo seu carácter urbano e accesible", sinalou Gómez, destacando que permitirá integrar a práctica deste deporte no espazo público da cidade "visibilizando a cantidade de xente que o practica na cidade".
Os traballos en Raíña Vitoria comezarán coa construción dunha plataforma única que elevará a calzada ao nivel das beirarrúas no espazo que ocupará este skate-park. O seu pavimento será de asfalto e sobre el colocaranse as "barrigas arquitectónicas".
Serán unha ducia de pezas, elaboradas en granito por unha cantería da Lama, que irán colocadas "como un Lego", segundo Andrea Ricoy, e que serán movibles e desmontables con facilidade, a pesar de que cada unha delas pesa sobre unha tonelada.
Irán ancoradas sobre a rúa e, en todo momento, garantirase o tránsito peonil por ambos os lados da avenida. Terán unha media de 50 centímetros de alto, a máis alta, ata 75.
O proxecto inclúe a reforma do entroncamento entre Reina Vitoria e Palamios, cuxo pavimento será de formigón puído e terá unha rampla para permitir o acceso de vehículos de emerxencia e garantir a accesibilidade para peóns e ciclistas.
Os traballos de pintado do skate-park, que se acometerán ao final, dependerá das condicións climatolóxicas, xa que non se poderán realizar con choiva.
O Concello investirá uns 80.000 euros na construción desta nova instalación que, segundo explicou Demetrio Gómez, será "complementario" ao que se proxecta no campus universitario que estará máis enfocado á competición deportiva.
Relacionadas:
-
As primeiras pezas do 'skatepraza' ocupan o seu lugar en Raíña Vitoria
Por Alejandro Espiño |
-
O 'skate-praza' de Raíña Vitoria, a todo ritmo: nove dos once módulos desmontables xa están rematados
Por Redacción |
-
Raíña Vitoria, en obras: inician os traballos para o futuro 'skate-praza'
Por Alejandro Espiño |
-
O skate-park "de quita e pon" en Raíña Vitoria é, para o PP, unha "tomadura de pelo"
Por Redacción |
-
O PP recollerá sinaturas contra a "cacicada" do peche da Avenida Raíña Vitoria
Por Redacción |
-
O Concello descarta abrir Raíña Vitoria e mantén o seu uso futuro como 'skate- park'
Por Alejandro Espiño |
-
A avenida Raíña Vitoria vai adaptarse para ser unha praza "provisional" para skaters
Por Mónica Patxot & Anxo Lourido |