"Deixounos a parca!" Volveu a Feira Franca!
Por Mónica Patxot & Anxo Lourido
"Hai Feira Franca na grande vila de Pontevedra", así anunciaban os pregoeiros dacabalo o regreso da celebración medieval na tarde deste venres 2 de setembro, ante centos de persoas que se apiñaban polo centro histórico e zonas próximas.
Despois dos tres anos sen celebración debido á "peste" pandémica, a cidade volve celebrar a súa festa medieval durante este venres e o sábado, xornada na que está prevista a presenza de mileiros de persoas coas tradicionais comidas na rúa e diversas actividades dentro da programación como exhibicións de tiro con arco, esgrima antiga, cetrería e dúas sesións de torneos medievais na Praza de Touros, ás 17.30 e ás 20.00 horas.
A xornada iniciarase ás 11.30 horas coa apertura do mercado medieval a avenida de Santa María e da mostra de oficios, nas prazas da Ferrería, Pedreira e do Peirao. Media hora máis tarde, a asociación Recreativa de Xeve, Art Monium, Troula e outros colectivos animarán as rúas coa recreación do transporte do viño desde Santa Clara, pasando por Sarmiento, Pasantaría, ata finalizar na praza da Peregrina.
Este venres a apertura contou coa espectacular montaxe de 'O Lérez' na praza da Ferrería, a cargo da compañía Pablo Méndez Performance. Coa súa proposta arrincan horas para gozar da romaría máis grande da cidade.
Relacionadas:
-
Volven os xantares históricos a degustarse no centro dunha cidade alegre - Galería de imaxes (I)
Por Mónica Patxot & Redacción |
-
Sábado perfecto para a chegada do viño e a celebración na XXI Feira Franca
Por Mónica Patxot & Redacción |
-
Lores sobre a Feira Franca: "para min é unha festa total"
Por Mónica Patxot & Anxo Lourido |
-
'O Lérez' máis medieval corusca na Ferrería a través de Pablo Méndez Performances
Por Mónica Patxot & Anxo Lourido |
-
Policía Local e Bombeiros inspeccionarán os postos da Feira Franca
Por Redacción |
-
Primeiras limitacións de circulación a partir deste 31 de agosto debido á Feira Franca
Por Redacción |
-
Tres anos sen Feira Franca disparan o interese polos traxes medievais
Por Alejandro Espiño & Cristina Saiz |
-
Pontevedra xa respira Feira Franca: "As expectativas son moi boas"
Por Alejandro Espiño |