A primeira reforma do Teatro Principal supoñerá un aforro do 70% en gasto enerxético
Por Redacción
Aínda quedan actuacións por continuar e comezar na reforma do Teatro Principal, pero as primeiras que se remataron supoñerán ao Concello de Pontevedra reducir o gasto enerxético que conlevaba a actividade neste edificio.
Segundo sinalaban o alcalde, Miguel Anxo Fernández e a concelleira de Cultura, Carmen Fouces, durante a visita para supervisar a actuación executada, o cambio de iluminación de todo o escenario "supoñerá un aforro do 70% e tamén menos mantemento".
Esta primeira fase de melloras - demorada pola quebra da empresa Acevi -, inclúe tamén a adquisición dun novo proxector que se estreará coa reapertura do Principal o vindeiro luns 5 de setembro no ciclo Amal en Ruta; a reforma e accesibilidade dun dos baños laterais ao patio de butacas e "un pequeno problema estrucutural no galiñeiro que houbo que mellorar". En total, un montante económico de 300.000 euros.
Nunha seguinte fase, que non requirirá dun peche do inmoble, continuarase coa reforma do baño do lateral dereito; terminar a colocación dun ascensor desde a planta baixa á segunda, onde se contempla habilitar outro baño e tamén renovar as butacas. "Se se licita este ano faríase cunha partida duns 150.000 euros", sinalaban os representantes municipais.
O Concello concorrerá á convocatoria de axudas europeas PIREP destinadas a rehabilitacións de edificios públicos para afrontar "a obra importante, que será a que se consiga para acometer o illamento e eficiencia enerxética" apuntaba Fernández Lores, xa que as filtracións por humidades evidéncianse no inmoble.De igual forma, engadía, queda pendente o arranxo do escenario por problemas de nivelación.
Relacionadas:
-
O PP denuncia o "inadmisible" estado do Teatro Principal, con humidades, butacas rotas e mala accesibilidade
Por Natalia Puga & Oskar Viéitez & Mónica Patxot |
-
O Pazo e o Recinto queren ser unha 'illa enerxética' e autoabastecerse con renovables
Por Alejandro Espiño |
-
Saen á venda os abonos para Domingos do Principal, Ponteatro e as Matinés
Por Oskar Viéitez |
-
Amal en Ruta abre co mellor cinema euroárabe actual a tempada do Teatro Principal
Por Mónica Patxot & María José Pita |
-
Os plenos municipais regresarán ao Teatro Principal o 19 de setembro
Por Alejandro Espiño |
-
RADIO.- Cara a cara: Visitamos con Salvador Casalderrey o 'backstage' do Teatro Principal
Por Mónica Patxot & Marisa Ciordia |