Ponte Caldelas, en todo o seu esplendor coas Festas das Dores
Por Redacción
Ponte Caldelas está de festa e nótase. A actividade no municipio multiplicouse esta fin de semana co inicio das Festas das Dores, que este ano chega cunha ampla programación lúdica e festiva para todos os públicos.
Os principais eventos arrancaron xa o venres co festival Caldelas Xoven, no que actuaron GFace, Del Puerto, Dumore, Enter, Rokiño, Maqui e Juanma López.
A procesión coa Virxe das Dores e o Sagrado Corazon percorreu o sábado as principais rúas do municipio, tras a sesión vermú amenizada pola Banda de Música de Mondariz.
A Alameda acolleu ademais o Festival Folclórico Internacional cos grupos EF Esperteyu (Asturias), a Asociación Coros y Danzas de Peligros (Granada) e o Grupo Folclórico Coribantes e a verbena coa Orquestra Fania Branco Show e grupo Noite de Estrelas.
As Festas ds Dores continúan este domingo co concerto de Luar na Lubre e a verbena amenizada pola orquestra Olympus, mentres que mañá luns será o Festival Son de Ponte Caldelas, con Acordeóns de Ponte Caldelas, Pandeireteiras do Oliveiral, O Torreiro de Forzáns, Pandereteiras de Regodobargo e Os Xeitosos da Insua.
O día grande, o martes 30, a sesión vermú será coa Banda de Música de Redondela e coa tradicional Procesión das Dores, ás 20.30 horas, acompañada pola Banda de Gaitas Os Coribantes, a Banda de Guerra da Brilat e a Escuadra de Gastadores da Brilat.
O broche de ouro das festas chegará coa tradicional verbena que se estende durante toda a noite e finaliza entrada a mañá, ás 8.00 horas, e que contará nesta ocasión coa actuación de tres orquestras: Miramar, Magos e América de Vigo.