As Festas da Peregrina chegan ao seu ecuador e o público infantil gaña protagonismo
Por Redacción
As Festas da Peregrina 2022 chegan ao seu ecuador. Despois dunha fin de semana grande na que os festexos resultaron un éxito de participación e dun inicio de semana marcado tamén pola elevada afluencia de público, a partir deste mércores, a programación encara xa a súa segunda metade e nesta recta final, tomará o protagonismo o público infantil.
Este xoves día 18 chega para o público infantil unha cita fundamental das festas, a tradicional Batalla de Flores, que non se puido celebrar durante os dous últimos anos pola pandemia da covid-19 e este ano volverá encher as rúas de cor.
Este ano terá un percorrido máis longo, pasando polas rúas Loureiro Crespo, Benito Corbal, Cobián Roffignac e Padre Amoedo.
O público infantil tamén poderá gozar este xoves do espectáculo 'O Pequeno Rei da Sabana', a primeira adaptación en galego do famoso musical do Rei León.
O espectáculo corre a cargo da asociación cultural CODA, que leva máis de dez anos traballando distintos formatos e levará ao escenario da praza de España a 13 solistas e un coro de máis de vinte voces.
Durante toda a xornada, as prazas e rúas terán ambiente musical con charangas e o grupo de gaitas Duos Pontes e pola noite haberá verbena en Montero Ríos coa orquestra Eureka.
Relacionadas:
-
Prepárense para tirar do rabo do Demo este martes polo centro histórico
Por Redacción |
-
A última fin de semana das Festas da Peregrina chega co rock de Ilegales e Black Stones
Por Redacción |
-
Así foi a Batalla de Flores de Pontevedra
Por Cristina Saiz & Oskar Viéitez |
-
O 'flow' de Fernando Costa manda na Praza de España
Por Redacción & Cristina Saiz |
-
A Batalla de Flores obriga a establecer restricións de tráfico
Por Redacción |
-
Carmen Salinero propón un reto no inicio da Peregrina: "Sentídevos como eu me sinto, orgullosa da nosa Pontevedra!"
Por Cristina Saiz & Anxo Lourido |
-
Oito días dunhas Festas da Peregrina que serán "como as recordábamos"
Por Alejandro Espiño |