Un incendio forestal cerca vivendas en diversas localidades de Caldas e Vilagarcía

O incendio de Caldas e Vilagarcía segue activo tras arrasar 450 hectáreas en 24 horas

Por Natalia Puga & Cristina Saiz
Creada Venres 5 de Agosto, 2022 e actualizada Venres 5 de Agosto, 2022 Creada ás 20:37 do Venres 5 de Agosto, 2022 e actualizada ás 23:03 do Venres 5 de Agosto, 2022

Efectivos da Brigada Forestal de Tabuyo e da UME, no incendio de Caldas e Vilagarcía
© BRIF Tabuyo

Efectivos da Brigada Forestal de Tabuyo, no incendio de Caldas e Vilagarcía
© BRIF Tabuyo

O incendio forestal iniciado no Monte Xiabre ás 19.25 horas da tarde deste xoves segue sen control tras arrasar en 24 horas 450 hectáreas dos municipios de Caldas de Reis e Vilagarcía.

O último balance oficial da Consellería do Medio Rural recolle que, tal e como xa sinalara á primeira hora da tarde, "evoluciona favorablemente" e "non hai perigo para núcleos de poboación". De feito, pasadas as 22.30 horas, a Xunta anunciou que acababa de solicitar a desactivación da Situación 2 que se decretara na noite do xoves "ao remitir o risco para núcleos de poboación".

Aínda que no seu inicio o incendio comezou en Saiar, en Caldas de Reis, o lume foise estendendo cara a Vilagarcía e o último parte oficial recolle que ás 19.30 horas deste venres habían ardido 450 hectáreas. Durante a tarde non aumentou a superficie, a mesma desde o último balance realizado ao mediodía.

Este incendio, que obrigou a desaloxar polo menos 30 vivendas en Vilagarcía, mobilizou un amplo dispositivo de medios de extinción, incluído o despregamento da Unidade Militar de Emerxencias (UME) desde a madrugada.

Segundo o último balance oficial, mobilizáronse seis técnicos, once axentes, 44 brigadas, 35 motobombas, cinco pas, dúas unidades técnicas de apoio, sete avións e 10 helicópteros.