A terceira edición de Stock Marín abre na Alameda
Por Redacción
O director xeral de Comercio e Consumo, Manuel Heredia, participou esta mañá no acto de inauguración da terceira edición de Stock Marín, que se desenvolve durante esta fin de semana na Alameda.
Durante a súa visita, o director xeral destacou o papel do comercio de proximidade na dinamización económica e social das vilas e cidades galegas.
A feira Stock Marín conta con 22 postos comerciais pertencentes a diferentes sectores nos que empresarios locais ofrecen descontos nas mercadorías que teñen almacenadas. Ademais, todas as compras terán dereito a un agasallo mostrando os xustificantes de compra.
O horario de apertura da feira é de 11 a 14 horas e de 18 a 22 horas, sendo a entrada libre e de balde. Ademais, como actividade dinamizadora desta edición, o domingo haberá pases de maxia.