A Feira Franca confirma o seu tirón no regreso post pandemia con 279 solicitudes para banquetes e 86 para mercado
Por Natalia Puga
O regreso da Feira Franca despois de dous anos sen celebrarse por mor da pandemia será por todo o algo. A cita, ineludible xa no verán pontevedrés, non se celebra desde setembro de 2019 e había ganas de festexar, como demostran as solicitudes presentadas para organizar xantares e ceas.
Non se chegou á cifra récord de 2019, pero si deixa datos que confirman o tirón da festa. Presentáronse 279 solicitudes para banquetes, das que 110 foron de hostalería e 169 de particulares que organizan xantares e ceas na rúa.
Ademais dos banquetes na vía pública, un dos elementos que máis vida dá á Feira Franca son os postos de mercado instalados por toda a cidade e este ano solicitáronse para a fin de semana dos días 2 e 3 de setembro 86 solicitudes.
A falta de menos dun mes para a súa celebración, o prazo para presentar solicitudes para hostalaría, mercado e/ou xantares e ceas de particulares está pechado e a listaxe provisional de solicitudes admitidas é xa pública na oficina da Feira Franca. Alí recóllense estes datos, á espera de que se resolvan posibles reclamacións.
A partir do vindeiro mércores, 10 de agosto, publicarase a listaxe definitiva de solicitudes admitidas, contra a que xa non cabe ningunha alegación.
No ano 2019 a Feira Franca tocara o seu teito con 250 mesas de particulares e 150 de hostalería, 400 banquetes na vía pública que a concelleira de Festas, Carme da Silva, cualificou como "o tope" da festa. Aquel ano houbo 70 postos de venda, 33 de alimentación e 37 de artesanía.
A Feira Franca volverá ser este ano unha viaxe ao século XV, a una ciudad habitada por artesáns, canteiros, ferreiros, palilleiras, cesteiros, oleiros, redeiras, carpinteiros, músicas, xograres, campesiños, toneleiros, artistas, comerciantes, damas e cabaleiros que nos achegan ao tempo do privilexio concedido a Pontevedra polo rei Henrique IV, no ano 1467, en virtude do cal se autorizaba a celebración dun mercado libre de impostos dun mes de duración.
O programa deste ano 2022 aínda non se fixo público, pero cada ano inclúe a representación do transporte do viño, un torneo medieval, espectáculos de cetraría, tiro con arco e esgrima ou exhibicións de música e danza.
Un ano máis, agárdase que a festa, declarada Festa de Interese Turístico pola Xunta de Galicia en 2013, reúna en Pontevedra milleiros de persoas vestidas de época.
Relacionadas:
-
Tres anos sen Feira Franca disparan o interese polos traxes medievais
Por Alejandro Espiño & Cristina Saiz |
-
Pontevedra xa respira Feira Franca: "As expectativas son moi boas"
Por Alejandro Espiño |
-
O Museo súmase á Feira Franca cun obradoiro sobre os cabaleiros medievais
Por Redacción |
-
Restaurantes e tendas de traxes anticipan o regreso triunfal da Feira Franca
Por Oskar Viéitez |
-
A hostalería palia a falta de xeo coa compra de máquinas para fabricar cubitos
Por Manu Otero & Cristina Saiz |
-
Así será Río Verbena, o festival que poñerá o broche de ouro ao verán pontevedrés
Por Alejandro Espiño |
-
Churrascada veciñal nas parroquias de Borela e Caroi nesta fin de semana festiva
Por Redacción |
-
A caravana morada volve a Pontevedra para velar por unhas festas libres de agresións machistas
Por Redacción |
-
A Feira Franca vai tomando forma con máis de 110 peticións para mesas na rúa
Por Redacción |
-
Haberá Feira Franca: os días 2 e 3 de setembro cunha edición dedicada ao río Lérez e O Burgo
Por Alejandro Espiño |