Incendio na zona de Os Fontáns, en Santa María de Xeve

Un incendio próximo ás casas en Saiar activa a situación 2 de emerxencia en Caldas

Por Redacción
Xoves 4 de Agosto, 2022 ás 23:00 do Xoves 4 de Agosto, 2022

A Consellería do Medio Rural vén de solicitar a activación da situación 2 de emerxencia nun incendio forestal activo na parroquia de Saiar, en Caldas de Reis, pola proximidade do lume ás casas do núcleo da Porteliña.

Esta situación operativa de emerxencia declárase como medida preventiva ao atoparse as vivendas en lugares moi próximos ao lume.

Este incendio iniciouse no Monte Xiabre ás 19.25 horas da tarde deste xoves e permanece activo, segundo confirma Medio Rural.

#IFSaiarCaldasdeReis 22:30 pic.twitter.com/TMhIAs2aWX
— Incendios galicia (@Incendiosgalic1) August 4, 2022

Ata o momento mobilizáronse para controlalo 1 técnico, 4 axentes, 17 brigadas, 12 motobombas, 2 pas, 4 avións e 4 helicópteros.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085.