O contido deste cartel orixina unha nova protesta en Moraña contra a falta de persoal no Centro de Saúde
Por Redacción
Un cartel alerta aos pacientes de que o Centro de Saúde de Moraña quedará cun só médico para todo o municipio entre o 1 e o 8 de agosto, e do 22 ao 30 deste mesmo mes. Durante estas semanas, só van atenderse emerxencias no centro sanitario.
Esta situación provocou o malestar cidadán e o BNG e o PSdeG de Moraña consideran que se trata dun "recorte inasumible e intolerable". Sinalan que é un "exemplo máis dos malos tratos sistemáticos ao que o Partido Popular somete a un servizo público básico e esencial como é o centro de saúde para as veciñas e veciños de Moraña".
Por este motivo convocaron unha concentración veciñal. Será diante o Centro de Saúde, situado en Santa Lucía, a partir das 21.00 horas deste mércores 3 de agosto. Trátase da terceira protesta en menos dun ano en defensa da sanidade pública na vila. Ao acto acudirán Marcos Suárez, portavoz do BNG, e Xoel Souto, portavoz do PSdeG Moraña.
Relacionadas:
-
Piden ao alcalde de Moraña que se una á reclamación de melloras no centro de saúde
Por Redacción |
-
Cuntis e Moraña unirán forzas ante a "deficiente" atención sanitaria na comarca
Por Redacción |
-
Concentración en defensa da Atención Primaria ante o centro de saúde de Moraña
Por Redacción |
-
Convocan unha concentración para reclamar a reposición do servizo de pediatría en Moraña
Por Redacción |