A ampliación da residencia de maiores de Cerdedo-Cotobade eleva a 64 as prazas públicas no municipio
Por Redacción
A nova residencia de maiores de Cerdedo-Cotobade é xa unha realidade. Está previsto que o novo servizo abra as súas portas a finais de ano, pero este luns produciuse a inauguración das instalacións, resultado da ampliación da residencia actual de Cerdedo.
O presidente da Xunta de Galicia, Alfonso Rueda, participou na inauguración desta ampliación, xunto co alcalde, Jorge Cubela, e a conselleira de Política Social e Xuventude, Fabiola García.
A Xunta de Galicia investiu 2 millóns de euros nestas instalacións, que se integrarán coas dos outros centros do municipio e suma 46 novas prazas públicas á Rede de Coidados a Persoas Maiores de Galicia.
Sumadas ás dos outros centros do municipio, farán un total de 64 prazas públicas de atención residencial e 30 de atención diúrna.
A voceira do PSOE en Cerdedo-Cotobade, Lina Garrido, sinalou, despois da inauguración, que lamenta que o presidente da Xunta non clarificara o tipo de xestión baixo o que vai a desenvolver a súa actividade.
"A día de hoxe non se sabe si o centro vai a ser de xestión pública ou privada", critica Lina Garrido, que tamén lamenta que o centro leva rematado e co seu equipamento dende novembro do 2021 e cunha lista agarda de 1.500 persoas en Galicia esperando por unha praza.
Lina Garrido tamén critica que a data de inicio da actividade estaba prevista para o 12 de xaneiro de 2022, contando coa licencia de apertura correspondente.
RESIDENCIAS EN GALICIA
Alfonso Rueda salientou que os novos servizos para maiores de Cerdedo-Cotobade se incorporan ás 13.000 prazas públicas de residencias existentes en Galicia, o triplo que as existentes no ano 2009, e incidiu no compromiso da Xunta co benestar dos maiores.
O presidente galego destacou que "toda a xente que traballou durante toda a súa vida, que achegou e se esforzou para que os seus fillos tiveran unha vida mellor merecen coidados e servizos de primeiro nivel, como o que acabo de visitar"..
O mandatario tamén fixo referencia ademais ao proceso de fusión municipal emprendido por Cerdedo-Cotobade en 2017, o que lle permite contar con máis axudas da Xunta que redundan en mellores servizos
Relacionadas:
-
A nova residencia de maiores de Cerdedo xa recibiu os seus primeiros usuarios
Por Redacción |
-
Os socialistas critican que a residencia de Cerdedo correrá a cargo dunha empresa privada
Por Redacción |
-
Os regulamentos para a residencia de maiores e o centro de día de Carballedo saen adiante coa maioría do PP
Por Redacción |
-
Cubela cualifica de récord os 10 millóns de euros investidos nas obras realizadas no municipio durante 2021
Por Redacción |
-
Cerdedo-Cotobade inaugura o centro sociocultural de Tenorio, financiado con fondos derivados da fusión
Por Redacción |
-
Cerdedo-Cotobade pide informes financeiros para a residencia de maiores de Carballedo
Por Redacción |
-
Cerdedo-Cotobade xa ten os terreos para construír a residencia de maiores de Carballedo
Por Redacción |