O Concello prepara un "contrato ponte" para o servizo de limpeza do Teatro Principal, Pazo da Cultura e Recinto Feiral
Por Oskar Viéitez
A Xunta de Goberno Local do Concello de Pontevedra aprobou este luns un "contrato ponte" do servizo de limpeza integral das instalacións do Teatro Principal, do Pazo dá Cultura e do Recinto Feiral.
A portavoz do goberno local, Anabel Gulías, explicou en rolda de prensa que "tiñamos un atraso coa licitación deste contrato" por culpa da pandemia e da disolución do organismo autónomo que xestionaba estes tres equipamentos municipais co posterior nomeamento dun xefe de infraestruturas culturais.
Desde hai varios meses "empezamos a traballar na licitación do novo contrato" que ten "certa complexidade, desde o punto de vista administrativo" polo que "se vai a demorar" e por iso optouse por esta fórmula simplificada do "contrato ponte" por seis mensualidades e por un importe de 41.089 euros ao mes.
O Concello recorrerá a esta mesma fórmula co contrato de mantemento destes edificios.
Cabe lembrar que este asunto é obxecto de polémica política no Concello de Pontevedra xa que o grupo municipal do Partido Popular anunciou a súa intención de levar aos tribunais o pago de facturas derivadas da limpeza do Pazo da Cultura abonadas a Ferrovial sen tramitación previa.
Os concelleiros populares Pepa Pardo e Gerardo Pérez Puga aseguraron en rolda de prensa que esta forma de proceder "es una irregularidad" e apuntaban que "roza el ilícito penal" xa que "son adjudicaciones realizadas al margen de la realidad. Y no lo dice el PP, sino la Intervención".
No seu momento a concelleira de Cultura, Carmen Fouces, responsable política do Pazo, respondeu a estas acusacións do PP vinculando os pagos á demora na contratación do servizo como consecuencia da pandemia do coronavirus, que provocou o atraso na licitación e adxudicación dalgúns contratos.
Relacionadas:
-
A impactante luz do edificio de Sesmero que as reformas da Casa Consistorial ocultou
Por Natalia Puga & Mónica Patxot |
-
O Teatro Principal, rumbo a unha reforma integral que Pontevedra busca financiar en Europa
Por Alejandro Espiño |
-
Pepa Pardo, do PP, levará á "autoridade competente" as irregularidades detectadas en facturas do goberno local
Por Redacción | Creada e actualizada