O Comité electoral do PP de Pontevedra propón a Rafa Domínguez como candidato á alcaldía
Por Redacción
O Comité electoral do Partido Popular de Pontevedra aprobou, este luns, e enviado á agrupación en Galicia a decisión unánime adoptada para que Rafa Domínguez, actual presidente da formación local, sexa o próximo candidato á alcaldía nas eleccións municipais de 2023.
Este organismo interno do PP está composto por Blanca García-Señoráns, presidenta; José Benito Suárez, secretario; e cinco vocais. Segundo comunican os populares, o organismo destacou "a capacidade e a valoración da actividade que desde o grupo municipal vén desenvolvendo á longo dos últimos anos, con Rafa Domínguez á cabeza".
Pola súa banda, Domínguez agradecía a decisión ao Comité e asegura que "o cambio que Pontevedra merece vai chegar nas próximas municipais". Afirma que o equipo que lidera combina perfectamente "experiencia e ilusión" e promete "patear, escoitar e traballar" para lograr a alcaldía nos próximos comicios.
Relacionadas:
-
Rafa Domínguez, na súa posta de longo como candidato á alcaldía: "Non podemos permitirnos seguir botando empresas"
Por Redacción |
-
Homenaxe do PP ás vítimas do terrorismo apelando á memoria ante os que "tratan de reescribir la historia"
Por Alejandro Espiño & Mónica Patxot |
-
Domínguez insta a Sanidade a adquirir un equipo avanzado de diagnóstico de cancro para o Gran Montecelo
Por Anxo Lourido |
-
Rafa Domínguez, presidente local do PP: "creo que o BNG ten un problema de cambio xeracional"
Por Mónica Patxot & Anxo Lourido |