O xulgado exonera dunha débeda de 216.000 euros a un pontevedrés que vivía nunha "espiral de inestabilidade laboral"
Por Redacción
A Lei de Segunda Oportunidade, aprobada no ano 2015, permitiu comezar unha nova vida a un pontevedrés que desde 2007 comezou unha "espiral de inestabilidade laboral" que lle impedía facer fronte con regularidade as débedas contraídas con determinadas entidades financeiras.
Logrouno como resultado dunha sentenza do Xulgado de Primeira Instancia número 4 de Pontevedra, que, utilizando a citada lei, exonera a este debedor do 100% das obrigacións contraídas de forma definitiva, permitíndolle empezar de cero.
A Asociación de Axuda ao Endebedamento Familiar deu a coñecer esta sentenza e a historia deste home, que acumulaba xa máis de 10 anos nunha "situación delicada" a nivel financeiro.
O home realizaba achegas esporádicas, pero a falta de pagamentos xerou que a débeda e intereses seguisen aumentando ata chegar a unha contía de máis de 216.756,77 euros.
Desde 2010 ata esta sentenza, viviu con embargos activos nos ingresos que tiña e nunha situación que esta asociación cualifica de "acoso constante".
Relacionadas:
-
Dous irmáns que avalaron unha empresa familiar, exonerados dunha débeda de 2,5 millóns
Por Natalia Puga |
-
RADIO.- Por que non se promociona a Lei de Segunda Oportunidade? Unha ferramenta legal ante crises financeiras
Por Marisa Ciordia |
-
Unha segunda oportunidade para un matrimonio de Marín: logran cancelar unha débeda de 154.496 euros
Por Natalia Puga |