O programa de formación para adultos de Cuntis consolídase como unha referencia en toda a comarca
Por Redacción
O programa de formación para adultos posto en marcha no ano 2003 polo Concello de Cuntis para a obtención do graduado escolar en Educación Secundaria "é toda unha referencia na comarca" pola boa media de alumnos que consigue.
Actualmente conta con dúas mestras con 25 horas semanais nas que imparten clases para unha media de 25 alumnos matriculados nos catro cursos da ESO e unha decena consegue cada ano o título académico.
Este programa está dirixido a persoas maiores de 18 anos ou menores que conten cun contrato laboral en prácticas que non terminaron con éxito a súa formación educativa. Este ano o horario é de luns a xoves de 19 a 22 horas no Centro de Formación Ocupacional de A Ran.
Esta iniciativa depende do financiamento do Concello que destina en gran parte do presuposto á contratación de dúas docentes.
O alcalde Manuel Campos mostrou a súa satisfacción por contar Cuntis cun programa deste calibre no que se busca a mellora de oportunidade laborais a través da educación.
Relacionadas:
-
O curso de graduado escolar para adultos de Cuntis forma cada ano a 25 estudantes
Por Redacción |
-
Cuntis busca cen alumnos para unha nova edición do plan integrado de emprego
Por Redacción |
-
O Centro de Formación Ocupacional A Ran prepara ao novo alumnado para lograr o graduado escolar
Por Redacción |