Un incendio forestal de madrugada destrúe o alpendre dunha casa
Por Redacción
Efectivos de emerxencias e de loita contra os incendios de Sanxenxo e O Salnés desprazáronse durante a madrugada ata a parroquia de Pampaido para sufocar un incendio forestal iniciado nas proximidades dunha vivenda.
Segundo a información facilitada polo Concello de Sanxenxo, o lume iniciouse de madrugada, sobre as 3:25 horas, e ás nove da mañá xa estaba controlado, aínda que se mantiñan medios na zona para realizar labores de arrefriado da zona.
O lume iniciado en Pampaido afectou o alpendre dunha casa, pero logrouse salvar a vivenda.
Para os labores de extinción desprazáronse ata Sanxenxo dous camións e dúas cuadrillas do servizo de loita contra os incendios da Consellería do Medio Rural, dous camións de Emerxencias de Sanxenxo, un axente forestal e dous camións de Bombeiros do Salnés.