Lamentan que a Xerencia da área sanitaria siga no propósito de pechar camas
Por Oskar Viéitez
A Confederación Estatal de Sindicatos Médicos en Galicia (CESM) volveu a alertar da situación que se vive no servizo de Urxencias do Hospital Montecelo.
No último "parte de guerra" deste venres día 15 de xullo, este sindicato médico apunta que ás 15 horas de de onte xoves "quedaban 27 pacientes ingresados en Urxencias pendentes de cama. E encima como sempre a esta hora, quedamos sen padiolas!". Ás 21 horas xa só quedaban 21 pacientes ingresados en Urxencias pendentes de cama.
Na xornada de hoxe venres, ás 9 horas "quedan 23 pacientes ingresados en Urxencias, un deles Covid".
Unha vez máis insisten desde o CESM que "non se presenta nada ben esta fin de semana do Carmen".
Na última reunión de Comisión de centro de Atención Especializada da Xunta de Persoal, "a directora asistencial comunicounos que no canto de facer o peche da planta de cirurxía impar en Montecelo farán peche da planta de Medicina 1 no Provincial, alegaron que as habitacións son mellores e ademais evítanse o traslado no ingreso desde urxencias de Montecelo a M1 no Provincial. Pero o problema é que perdemos 5 habitacións con este cambio".
"É dicir que esta xerencia segue no propósito de pechar camas o que queda de verán", alerta o CESM en referencia ás seguintes plantas: M1 (32 camas) e M3 (32 camas) no Hospital Provincial e traumatoloxía impar (28 camas) en Montecelo, ademais da planta de lactantes (9 camas) no Provincial que leva pechada desde o inicio do Covid. A isto hai que engadir as 24 camas pechadas no Hospital comarcal do Salnés, o que suma un total 125 camas na área sanitaria.
Por último este sindicato médico lembra que este peche de camas hospitalarias proponse cando "o número de pacientes Covid ingresados que día a día aumenta, rozando as cifras da segunda onda da pandemia", ao que hai que engadir a presión asistencial dos veraneantes e "o colapso da Atención Primaria onde non hai profesionais suficientes".
"SITUACIÓN LÍMITE DAS ENFERMEIRAS DE URXENCIAS"
Por outra banda, o sindicato de enfermería, SATSE en Pontevedra asegura estar "moi preocupado" pola situación que viven as enfermeiras de Urxencias do Hospital Montecelo.
Apuntan que "a sobrecarga habitual que están a asumir estas profesionais é inasumible, sendo os pacientes quen sofre as consecuencias dunha mala xestión dun servizo básico cuxos problemas deberían estár máis que superados".
Na situación actual, SATSE advirte que hai pacientes sen cama máis de 24 horas en Urxencias.
Relacionadas:
-
Folga indefinida dos médicos a partir do 11 de abril para demandar melloras no "moi precario" sistema de saúde
Por Natalia Puga |
-
O CESM responsabiliza a Rueda pola súa "inacción" do "caos sanitario" que vive a área
Por Oskar Viéitez | Creada e actualizada
-
Continúa o "colapso" en Urxencias de Montecelo, con dous pacientes esperando ingreso de venres a luns
Por Redacción |
-
O xerente da área sanitaria afirma que a situación dos PAC "mellora de maneira significativa"
Por Oskar Viéitez |
-
A falta de médicos en cinco PAC da área sanitaria satura os servizos de urxencias
Por Oskar Viéitez |
-
A CIG pide á Fiscalía que investigue a xestión do transporte sanitario na área de Pontevedra-O Salnés
Por Oskar Viéitez & Mónica Patxot |
-
A Confederación Estatal de Sindicatos Médicos augura unha fin de semana de colapso nas Urxencias de Montecelo
Por Redacción |
-
Tres novas mortes por covid-19 na área sanitaria: dous homes de 78 e 73 anos e unha muller de 79
Por Oskar Viéitez |
-
Un paciente de 87 anos, "desesperado" tras 92 horas sen médico e horas sen beber en plena vaga de calor
Por Natalia Puga |