A Confederación Estatal de Sindicatos Médicos augura unha fin de semana de colapso nas Urxencias de Montecelo
Por Redacción
A situación nas Urxencias de Montecelo "pinta bastante fea", segundo a Confederación Estatal de Sindicatos Médicos (CESM), que augura unha nova saturación do servizo coincidindo coas celebracións do Carme.
Segundo a CESM, este xoves 14 de xullo eran 27 os pacientes que en horario de mañá atopábanse en Urxencias do hospital pontevedrés á espera do seu ingreso, estando algúns situados na unidade polivalente e o resto nos corredores.
"Preparámonos para outro repunte moi serio", avisan á vez que denuncian que se volveron pechar funcionalmente camas de Medicina 3, trauma e cirurxía.
A todo iso súmase tamén a delicada situación que se vive no Punto de Atención Continuada (PAC) da Parda, onde "a presión asistencial e a falta de recursos humanos é a tónica diaria".
Tal e como explica a confederación a modo de exemplo, durante a xornada do mércores día 13 o PAC pontevedrés contou durante o día con dous médicos en lugar dos tres que deberían estar de quenda, mentres que pola noite contou cun facultativo en lugar de dous.
Relacionadas:
-
Folga indefinida dos médicos a partir do 11 de abril para demandar melloras no "moi precario" sistema de saúde
Por Natalia Puga |
-
Continúa o "colapso" en Urxencias de Montecelo, con dous pacientes esperando ingreso de venres a luns
Por Redacción |
-
O xerente da área sanitaria afirma que a situación dos PAC "mellora de maneira significativa"
Por Oskar Viéitez |
-
A falta de médicos en cinco PAC da área sanitaria satura os servizos de urxencias
Por Oskar Viéitez |
-
Lamentan que a Xerencia da área sanitaria siga no propósito de pechar camas
Por Oskar Viéitez |
-
A xerencia habilita todas as camas pechadas na área sanitaria
Por Oskar Viéitez |
-
Un octoxenario de Sanxenxo esperou 20 horas a que chegara unha ambulancia
Por Redacción |
-
Os sindicatos alertan do "caos" no servizo de Urxencias do Hospital Montecelo
Por Oskar Viéitez |
-
Preocupación ante a eventualidade laboral á que se enfrontan médicas de Urxencias en Montecelo
Por Redacción |