A xerencia habilita todas as camas pechadas na área sanitaria
Por Oskar Viéitez
A Confederación Estatal de Sindicatos Médicos (CESM) en Galicia, informou que a Xerencia da área sanitaria de Pontevedra e O Salnés abriu todas as camas pechadas pola reorganización estival. Concretamente, o denominado Plan de Adecuación da Hospitalización posto en marcha pola Xerencia para este verán contemplou o peche de ata 122 camas.
Nas dúas semanas que levaba operativa esta medida viviuse unha "insoportable presión asistencial", tal e como denunciaron os sindicatos sanitarios e os propios pacientes e usuarios da sanidade pública, da contestación dos propios traballadores e de mandos intermedios do hospital, "por fin conseguiuse que reaccione a xerencia-dirección"
O CESM reprocha á Xerencia da área sanitaria a súa "ausencia de empatía coa poboación e traballadores, e a súa falta de reflexos na toma de decisións".
"Congratulámonos de poder dicir que o luns pola noite non quedaba ningún paciente con orde de ingreso pendente no servizo de Urxencias, estando todos nunha cama hospitalaria como corresponde", valora o CESM Galicia.
De modo que, finalmente "abríronse todas as camas pechadas en Cirurxía impar, Traumatoloxía impar, ocupáronse as camas de Cirurxía Maior Ambulatoria (CMA), ocupáronse a camas da Unidade Polivalente e desbloqueáronse as camas para ingresos cirúrxicos", segundo a información achegada por este sindicato médico.
Relacionadas:
-
Folga indefinida dos médicos a partir do 11 de abril para demandar melloras no "moi precario" sistema de saúde
Por Natalia Puga |
-
A falta de sanitarios e a sobrecarga de traballo provoca "erros" nos diagnósticos, denuncia SOS Sanidade Pública
Por Manu Otero & Cristina Saiz |
-
A Confederación Estatal de Sindicatos Médicos augura unha fin de semana de colapso nas Urxencias de Montecelo
Por Redacción |
-
A área sanitaria de Pontevedra leva 12 persoas falecidas con coronavirus este mes de xullo
Por Oskar Viéitez |
-
O centro de saúde de Raxó, un "símbolo" da xestión "caótica e nefasta" da sanidade galega
Por Alejandro Espiño |
-
Un octoxenario de Sanxenxo esperou 20 horas a que chegara unha ambulancia
Por Redacción |
-
Os sindicatos alertan do "caos" no servizo de Urxencias do Hospital Montecelo
Por Oskar Viéitez |