A Feira Franca vai tomando forma con máis de 110 peticións para mesas na rúa
Por Redacción
Un total de 114 particulares solicitaron xa a autorización para instalar mesas para celebrar comidas ou ceas na rúa, no marco da próxima Feira Franca, que celebrará o seu día grande o próximo sábado 3 de setembro. Será o regreso da festa tras dous anos de pandemia.
A estas peticións súmanse as 50 solicitudes presentadas para montar un posto no mercado medieval e as 28 autorizacións para montar veladores no centro histórico.
A oficina da Feira Franca, situada no antigo conservatorio da rúa Alfonso XIII, estará aberta ata o venres 15 de xullo para seguir recibindo peticións para participar na festa.
O horario de atención ao público é de luns a venres de 10 a 14 horas.
A Feira Franca 2022 volverá ás rúas do centro histórico da cidade na primeira fin de semana de setembro (venres día 2 e sábado día 3) baixo a temática do río Lérez e da Ponte do Burgo.
Relacionadas:
-
O Museo súmase á Feira Franca cun obradoiro sobre os cabaleiros medievais
Por Redacción |
-
Restaurantes e tendas de traxes anticipan o regreso triunfal da Feira Franca
Por Oskar Viéitez |
-
A Feira Franca confirma o seu tirón con 279 solicitudes para banquetes e 86 para mercado
Por Natalia Puga |
-
Unhas Festas de Verán nas que "non haberá parada" en Pontevedra
Por Alejandro Espiño |
-
Haberá Feira Franca: os días 2 e 3 de setembro cunha edición dedicada ao río Lérez e O Burgo
Por Alejandro Espiño |