Animatrón pese á calor
Por Redacción & Mónica Patxot
A calor rexistrada en Pontevedra nas tardes deste martes e este mércores, con temperaturas que alcanzaron os 32 graos, non desanimou á poboación máis nova da cidade para achegarse ata o parque das Palmeiras e gozar do amplo programa de actividades da nova edición de Animatrón.
O ciclo, que forma parte da programación cultural de verán do Concello de Pontevedra, desenvólvese durante as tardes de martes, mércores e xoves desta semana e, nas súas dúas primeiras xornadas, encheuse de nenas e nenos dispostos a divertirse pese á calor, e resgardados pola sombra da Alameda.
O ciclo Animatrón, unha cita xa tradicional do verán pontevedrés, inclúe talleres temáticos distintos cada día, actividades de maquillaxe, ludoteca, animación ou presenza de zancudos, monociclos ou malabares.
Pelotón xigante e globos xigantes tamén enchen a contorna do parque das Palmeiras durante tres tardes desta semana e, ademais, nesta ocasión, todo está amenizado polas actuacións de Cé-Home Orquestra, Tarabelos Titeres ou Truque Matruque.
Este xoves de 18.00 a 21.00 horas será a última oportunidade deste ano para gozar deste ciclo.
Relacionadas:
-
A solidariedade centra as actividades do Campamento Urbano de Caldas de Reis
Por Redacción |
-
Un total de 55 nenos participan nas actividades de verán de Portas
Por Redacción |
-
Unhas Festas de Verán nas que "non haberá parada" en Pontevedra
Por Alejandro Espiño |
-
Animatrón énchese de actividades para escolares
Por Redacción |