#BanderaContraelCáncer, campaña para recadar fondos para a AECC de Marín
Por Redacción
'Fai da loita a túa bandeira' é o lema co que este ano a Asociación Española contra o Cancro de Marín desenvolverá a súa petición de fondos entre a cidadanía durante a mañá deste xoves 7 de xullo. O colectivo tamén utilizará nas redes sociais o cancelo #BanderaContraelCáncer para promover esta acción.
A organización quere recadar fondos para a investigación do cancro e tamén para intervencións de apoio a pacientes e familiares a través de servizos e programas gratuítos que ofrece a asociación. Está prevista a instalación de mesas petitorias na Alameda Rosalía de Castro; no Centro de Saúde; en Concepción Arenal e na contorna do supermercado Froiz en Lameiriña, entre as 10.00 e as 13.30 horas.
Durante o ano 2021, a AECC de Marín realizaba 453 intervencións de colaboración con pacientes con cancro e familiares da vila. 47 destas intervencións foron de atención social con accións de inserción laboral, programa de alimentos, préstamo de material ortoprotésico ou axudas económicas, entre outras.
303 intervencións foron de carácter psicolóxico a pacientes oncolóxicos e familiares. Ademais realizáronse 54 accións de voluntariado e 49 do servizo de Logopedia destinado a persoas con cancro de cabeza e/o pescozo.
A sede da AECC de Marín atópase na Rúa Busto de Abaixo e atende os martes de 10.00 a 11.00 horas e os mércores, de 09.00 a 13.30 horas. Aquelas persoas que queiran contactar coa asociación poden utilizar, durante as 24 horas, o número gratuíto 900 100 036.
Relacionadas:
-
RADIO.- Abertas as inscricións da IV marcha contra o cancro, que se retoma tras dúas edicións suspendidas
Por Redacción |
-
A Andaina Montes e Praias recada 3.000 euros para a AECC de Marín
Por Redacción |
-
A asociación contra o cancro terá un mercadiño solidario en Marín
Por Redacción |
-
15.000 euros para o Programa de Atención Bio-Psico-Social da AECC en Pontevedra
Por Redacción |
-
9 de cada 10 persoas fuman diante de menores
Por Redacción |