Alerta en Pontevedra tras unha estafa de 3.000 euros a unha anciá nunha venda a domicilio
Por Redacción
A Policía Nacional emitiu unha alerta para que os cidadáns non sexan vítimas de posibles estafas na venda de produtos a domicilio. Fano despois dunha muller de avanzada idade perdese máis de 3.000 euros nunha destas transaccións.
A vítima denunciou na comisaría ser estafada na venda dun produto valorado en máis de 3.000 euros, tras asinar un documento para abonalo en 24 cotas de 130 euros.
Debido a iso, a autoridades insisten en que non facilitemos o acceso ao fogar a ningún descoñecido e que non nos deixemos enganar por ofertas moi atractivas ou agasallos, xa que en múltiples ocasións o obxectivo final é cobrar uns prezos abusivos ou enganosos.
As vítimas máis propicias para estas estafas, lembra a Policía Nacional, adoitan ser persoas de idade avanzada, que principalmente viven soas.
Os estafadores, nalgunhas ocasións, para facer máis atractivo o servizo, ofrecen agasallos para captar a atención e complicidade das súas vítimas, buscando sempre lograr pechar unha visita dun técnico no domicilio.
Unha vez comparece o técnico no domicilio, adoitan ser vendedores agresivos que presionan aos maiores ata o punto de sentirse obrigados a efectuar a compra do produto.
Ademais unha vez conseguen acceder ao interior do domicilio en numerosas ocasións aproveitan para subtraer obxectos, xoias e diñeiro que as vítimas teñen por casa.
Ante calquera dúbida, sinalan desde a Policía Nacional, hai que chamar ao teléfono 091.
Relacionadas:
-
Dúas veciñas de Poio, acusadas de estafar máis de medio millón de euros desde unha gasolineira do Deza
Por Redacción |
-
Ollo á nova estafa por WhatsApp cos delicuentes facéndose pasar por un familiar en apuros
Por Redacción |
-
Advirten dun timo en Vilagarcía baixo o pretexto de recadar fondos para unha falsa revista da Policía Local
Por Redacción |