Unhas Festas de Verán nas que "non haberá parada" en Pontevedra

Por Alejandro Espiño
Nos meses de xullo e agosto "non haberá parada" na cidade de Pontevedra. É a festiva advertencia que realizou este martes o goberno municipal. Chegan as Festas de Verán máis esperadas. As primeiras que retoman a normalidade organizativa tras a pandemia.
Farano, segundo destacou a edil de Festas, Carme da Silva, cunha programación "moi intensa e variada", apostando por unha dobre diversidade, tanto en actividades como en espazos. Haberá ciclos festivos nunha vintena de ámbitos urbanos de Pontevedra.
Nas Festas de Verán de 2022 estarán presentes tanto clásicos da programación que, nesta ocasión, recuperan o seu formato habitual, entre eles o Festival de Jazz; como propostas que naceron nos dous últimos anos e que "se manteñen con forza", apuntou Da Silva.
"É un verán que chega con moitas ganas de alegría e de contacto humano", sinalou a responsable da área de Festas, que explicou que a programación concreta das Festas da Peregrina, entre os días 13 e 21 de agosto, presentarase en próximas datas.
As Festas de Verán arrancarán xa este xoves co festival Surfing the Lérez, ao que lle seguirá outro ciclo presentado hai uns días, Ambienta 2022, a Mostra Internacional de Cinema LGBTIQA+ de Pontevedra, do 27 de xuño ao 1 de xullo na Praza da Pedreira.
O convento de Santa Clara incorporarase como espazo ás festas estivais coa terceira edición do Festival de Cámara Cidade de Pontevedra, que ofrecerá os concertos de Rhea (2 de xullo) e o dúo Karolina Mikoł ajczyk & Iwo Jedynecki (3 de xullo).
Do 5 ao 8 de xullo regresará o Animatrón ao Parque das Palmeiras, con obradoiros diferentes cada día, pensados para un público infantil e as actuacións de Home Orquestra, Tarabelos Títeres ou Truque Matruque, entre outros.
A Festa dos Libros, que reunirá a doce librerías da cidade e a numerosos autores na Praza da Ferrería, celebrarase entre os días 8 e 10 de xullo, xusto antes da romaría de San Bieito de Lérez, que recuperará a mexilloada popular a beiras do río Lérez.
As prazas de Santa María e José Martí serán o escenario do ciclo Música de Bandas cos concertos da Banda de Música Xuvenil de Salcedo e a Banda Infantil da Agrupación Músico Cultural de Ribadumia (9 de xullo), a Banda de Música de Salcedo e a Banda de Música Unión de Lantaño (16 de xullo) e, de novo, a Banda de Música de Salcedo (23 de xullo).
Outra das propostas que recupera o seu formato será o Memorial Ricardo Portela que, na súa edición número 23, homenaxeará a Maruxa Miguéns e Xosé Romero. Será do 15 ao 17 de xullo na Praza da Ferrería e, entre outras actividades, actuarán Carapaus e Caamaño & Ameixeiras.
Cun marcado protagonismo feminino, Pontevedra gozará de novo do Festival Internacional de Jazz e Blues, que volve á Praza da Ferrería. Jeffery Davis (20 de xullo), Andre B. Silva (21 de xullo), Andrea Motis (22 de xullo), Ida Nielsen (23 de xullo) e Samantha Fish (domingo 24) serán os artistas que actuarán nesta vixésimo oitava edición.
As Festas de Santiaguiño do Burgo (22 ao 26 de xullo) con verbenas nocturnas, pasacalles e celebracións relixiosas compartirán días co Festixeve (21 ao 24 de xullo), que regresa ao campo de Vilar de Fragoso cun concerto de Ses (23 de xullo) como gran atractivo.
Urbana Monte Porreiro, un dos ciclos máis exitosos xurdidos das festas 'pandémicas', mantense na programación das Festas de Verán cos concertos de Deus Ke Te Crew (27 de xullo), Ladilla Rusa (28 de xullo), Son da Rúa (29 de xullo) e Marc Seguí (30 de xullo).
Xullo chegará ao seu fin co programa Cinema e Estrelas, que proxectará cinco filmes na Praza da Pedreira: Jojo Rabbit (27 de xullo), Libertad (28 de xullo), Parásitos (29 de xullo), Érase unha vez en… Hollywood (30 de xullo) e Mamma Roma (31 de xullo).
Trebellando na Alameda, o ciclo infantil de teatro, música e maxia; e as Noites de Monólogo nas pistas de Campolongo, con Luís Zahera, David Amor, Carlos Blanco, Xosé Antonio Touriñán e Marta Doviro abrirán o segundo mes de festas, entre os días 1 e 5 de agosto.
Á Praza de España chegará Galicia Ilusiona co espectáculo de maxia e escapismo de Víctor Cerro (2 de agosto), mentres que Itineranta, que cumpre once anos, percorrerá as prazas do centro histórico do 3 ao 5 de agosto con espectáculos de animación de dez compañías: Troula Animación, Cía Sin Fin, Yera Teatro, Animarts, Zanguango Teatro, Ale Hop, La Fam, Hortzmuga Teatros & Deabru Beltzk, Nacho Villas & Yllana e Soun de Secá.
O parque fluvial do Gafos é o lugar elixido para o Senda Festival 2022 de música electrónica, no que actuarán Mind Enterprise, Supernatural Project, Russ e Fiuza (5 de agosto) e Simona, Alex Bassian, Baldman, Topanaga Kiddo, Certain People, Sebastian Black e Azakie (6 de agosto).
Tomará o seu relevo o ciclo Con Voz de Muller, na Praza da Ferrería, cos concertos de Pongo (6 de agosto), Guadi Galego (8 de agosto), De Vacas (9 de agosto) e Ginebras (10 de agosto), a representación de A síndrome de Lis (7 de agosto) e pasarrúas con Somdolilá e Brassica Capa.
Xusto antes das Festas da Peregrina chegará O Son do Local, coas actuacións de bandas pontevedresas como Hainas e Odiosos 5 (9 de agosto), La Mosca Valiente e Flip Corale (10 de agosto) e Black Hole e MKP + Pelexa de galos (12 de agosto); ou o Aquí Cántase, que será o 12 de agosto con Maravallada e Treboada do Baixo Miño.
A feira de artesanía e deseño Chalana (do 20 de xullo ao 7 de agosto) no Paseo Antonio Odriozola e a Festa do Demo (23 de agosto) serán outras das actividades destas Festas de Verán, que concluirán ao grande co regreso da Feira Franca (2 e 3 de setembro).
Relacionadas:
-
VÍDEO.- Cando a Carolina baila... Aquí cántase!
Por Redacción |
-
Pontevedra soa a… Todo este ‘Son Local’
Por Cristina Saiz & Redacción |
-
As altas temperaturas deixan un inicio descafeinado do Senda Festival
Por Redacción |
-
Senda Festival reúne 14 propostas musicais de vangarda esta fin de semana no Gafos
Por Redacción |
-
A caravana morada volve a Pontevedra para velar por unhas festas libres de agresións machistas
Por Redacción |
-
'Cinema e Estrelas' volve levar os mellores filmes en versión orixinal á praza da Pedreira
Por Redacción |
-
O Festixeve regresa a Santo André con Sés como gran atractivo musical
Por Redacción |
-
Oito días dunhas Festas da Peregrina que serán "como as recordábamos"
Por Alejandro Espiño |
-
Trece artesáns participarán este ano na feira Chalana
Por Redacción |
-
Un Festival de Jazz "con son internacional, con son galego e con son de muller"
Por Diego Espiño |
-
O Memorial Ricardo Portela envolve A Ferrería de música tradicional ata o domingo
Por Redacción |
-
O San Bieito volve aos salóns do Lérez coa súa romaría máis agardada
Por Redacción & Mónica Patxot |
-
A romaría popular de San Bieito regresa aos salóns do Lérez
Por Redacción |
-
A Feira Franca vai tomando forma con máis de 110 peticións para mesas na rúa
Por Redacción |
-
Santa María, punto de partida do ciclo musical da Banda de Música de Salcedo
Por Redacción |
-
Animatrón pese á calor
Por Redacción & Mónica Patxot |
-
Juancho Marqués, Treixadura e o rapeiro Fernando Costa súmanse ás Festas da Peregrina
Por Alejandro Espiño |
-
Trece librarías e máis de 80 autores dánse cita nunha nova edición da Festa dos Libros
Por Alejandro Espiño |
-
Coque Malla, nas Festas da Peregrina: actuará en Pontevedra o 15 de agosto
Por Alejandro Espiño |
-
Zahara e Camela amenizarán as Festas da Peregrina os días 14 e 21 de agosto
Por Alejandro Espiño |
-
Pequenos grupos combaten a calor e celebran a Festa do Orgullo pontevedresa
Por Redacción |
-
Música, baile, cinema e festa para iniciar xullo nunha Pontevedra "sen parada"
Por Redacción |
-
As festas retomarán os tradicionais espectáculos pirotécnicos
Por Alejandro Espiño |
-
O Surfing the Lérez celebra este venres o 30 aniversario de Heredeiros da Crus e a resurrección de Dismal
Por Redacción |
-
Música a todo trapo para un apoteósico inicio do festival Surfing the Lérez
Por Redacción & Mónica Patxot |
-
Maruxa Miguéns e Xosé Romero, os homenaxeados nun Memorial Ricardo Portela que recupera o seu formato
Por Alejandro Espiño |
-
Dez compañías devolverán a animación festiva ás rúas de Pontevedra con Itineranta
Por Alejandro Espiño |
-
O humor nas Festas de Verán, con Luis Zahera, David Amor, Carlos Blanco, Touriñán e Marta Doviro
Por Alejandro Espiño |
-
Ida Nielsen, Samantha Fish e Andrea Motis nun Festival de Jazz con marcado acento feminino
Por Alejandro Espiño |
-
Con Voz de Muller volve a Pontevedra con Guadi Galego, De Vacas, Ginebras e a afroportuguesa Pongo
Por Alejandro Espiño |
-
Ladilla Rusa, Marc Seguí, Son da Rúa e Dios Ke Te Crew levarán a música urbana a Monte Porreiro
Por Alejandro Espiño |
-
As pancartas da 'Memoria LGBTIQA+' reivindican o Orgullo de Pontevedra
Por María José Pita |
-
"Ambienta", a mostra de cine LGBTIQA+, volve á praza da Pedreira a última semana de xuño
Por Redacción |
-
O Festival de Jazz de Pontevedra regresará á Ferrería do 20 ao 24 de xullo
Por Alejandro Espiño |
-
Tres días -con San Xoán incluído- para un Surfing the Lérez "exclusivamente galego"
Por Alejandro Espiño & Mónica Patxot |