Ravella abre o proceso de participación cidadá do PMUS coa constitución da mesa da mobilidade 'Velaívai!'
Por Redacción
Dentro dos traballos previstos para a realización do Plan de Mobilidade Urbana e Sostible (PMUS), o Concello de Vilagarcía vén de convocar para o vindeiro luns, a partir das 7 da tarde, no centrosociocultural de Vilaxoán, un acto co que se abre o proceso de escoita e reflexión pública sobre a modelo de mobilidade que Vilagarcía desenvolverá nos vindeiros anos.
Un proceso titulado 'Velaívai!', en clara referencia ao programa que xa se vén executando baixo o título de Vai! e as súas derivantes: Vaibike! (préstamo de bicicletas), Vaibús! (transporte en bus) e Vaiapé! (metrominuto). Partidos, asociacións de veciños, Anpas e diversos axentes sociais como Zona Aberta, Ahituvi ou Arousa en Bici xa foron convocados formalmente.
Á iniciativa pode sumarse calquera veciño a título individual. O acto programado para o vindeiro luns, contará coa presenza dos técnicos da empresa contratada polo concello, GEA21.
Ademais de presentar a Mesa da Mobilidade, tamén se realizará un primeiro obradoiro para coñecer "como nos movemos en Vilagarcía de Arousa", que é o reclamo da reunión.
Ademais da participación presencial, o concello e a empresa abrirán tamén outro canle de escoita: unha enquisa dixital que poderá ser contestada a través da web www.vilagarcia.gal.
Relacionadas:
-
Vilagarcía, finalista nos premios Bikefriendly 2023
Por Oskar Viéitez |
-
Pontevedra expón o seu novo plan de mobilidade sostible na Peregrina
Por Manu Otero |
-
O Instituto Tecnológico de Castilla y León reactivará o servizo municipal de préstamo de bicicletas en Vilagarcía
Por Redacción |
-
Vilagarcía licita a elaboración do plan que marcará as pautas da mobilidade urbana para a vindeira década
Por Redacción |
-
Editan 17.000 exemplares do Vaiapé, o metrominuto de Vilagarcía
Por Oskar Viéitez |
-
O primeiro semeste do VaiBús! sáldase con 474 usuarios da tarxeta de transporte público
Por Redacción |