A Confederación Española de Policía alerta da escaseza de axentes que se prevé para este verán na provincia
Por Redacción
Representantes da Confederación Española de Policía (CEP) da provincia insisten en mostrar a súa preocupación ante a escaseza de efectivos policiais que se enviarán durante este verán a través do concurso de traslados ás cidades da provincia para cubrir a falta de persoal e as xubilacións. Segundo indican, o número de axentes non cubrirá a necesidade de persoal real que garante a seguridade nas rúas.
Alertan, ademais, de que o Goberno anunciou nas últimas horas o número de policías en prácticas e "a sorpresa foi maiúscula". Sinalan que estes axentes que garantían que o resto de policías puidesen gozar do descanso estival non van cubrir as necesidades reais ao ser unha cifra menor á prevista por estes representantes da CEP.
Na primeira quincena de xullo chegarán estes axentes en formación e a CEP alerta de que en Vigo fronte a 21 policías que se van, só chegarán 12. Mentres que á Comisaría de Pontevedra incorporaranse 10 axentes en prácticas; e en Marín e Vilagarcía, catro respectivamente.
Mostran a súa preocupación porque entenden que a "cidadanía padecerá e sentirá" esta falta de persoal. O sindicato policial inciden en que as comisarías sofren as consecuencias dun catálogo de postos de traballo "totalmente obsoleto e non acorde á realidade delincuencial". Critican a falta de atención a estas demandas por parte de Maica Larriba, subdelegada do Goberno.
Denuncian que a provincia carece de unidades policiais necesarias, como as de guías caninos, importantes para a loita contra a droga; a brigada móbil, especializada en delitos que se cometen en medios de transporte; e unidades de prevención e reacción, carente en Pontevedra, que permita resposta rápida #ante casos de seguridade cidadá. A esta situación, segundo expoñen, súmase agora a dos axentes de prácticas necesarios que axuden aos pequenos persoais como as de Vilagarcía e Marín.
Relacionadas:
-
Sorprenden un veciño de Vilagarcía furtando mobiliario urbano "por necesidade"
Por Oskar Viéitez |
-
Ingresa en prisión un ladrón multirreincidente por roubos en establecementos de Pontevedra e Arousa
Por Oskar Viéitez |
-
Os delitos sexuais poñen ao feminismo en loita e á Policía en alerta
Por Natalia Puga |