Sorprenden dous furtivos que colleron seis quilos de ameixa na praia da Pinela, un deles reincidente
Por Redacción
A Policía Local de Poio e efectivos dos Gardacostas da Confraría de San Telmo lograron reter na tarde deste venres dous mariscadores furtivos que colleran de xeito ilegal seis quilos de ameixa na praia da Pinela, dos que 3,8 quilos eran, ademais, de tamaño irregular.
Segundo informou a Policía Local, sucedeu sobre as 18:30 horas da tarde deste venres. Tiveron coñecemento da presenza de varios furtivos que estaban extraendo ameixa de forma ilegal, de maneira que os axentes puxeron en marcha un operativo para identificalos.
Finalmente, lograron localizar dous veciños de Poio, dos que un deles xa tiña antecedentes. De feito, este furtivo ten en vigor unha orde de afastamento das praias de Poio por eses antecedentes. Desta maneira, ademais de identificalo por furtivismo, tamén lle notificaron unha segunda infracción, quebrantamento de condena.
Nun primeiro momento, os axentes non localizaron a ameixa, pero xa coñecen que a súa maneira de actuar habitual é esconder o molusco en diferentes lugares, de maneira que o buscaron e acabaron por localizar os seis quilos referidos.
Relacionadas:
-
Solicitan colaboración para localizar o propietario dunha zódiac empregada por furtivos
Por Oskar Viéitez |
-
Dous veciños de Poio, sorprendidos "in fraganti" cando practicaban furtivismo e foxen nadando
Por Anxo Lourido |
-
As mariscadoras convidan aos turistas a "gozar da praia sen deixar pegada"
Por Redacción |
-
Os gardacostas requisan case 2.500 cacharros e preto de 1.000 quilos de polbo
Por Redacción |
-
Identificado un home con 64 pezas falsificadas de marcas como Adidas ou Calvin Klein
Por Redacción |
-
Multa de 720 euros a dous furtivos habituais acusados de extraer ameixa xapónica en Poio
Por Redacción |
-
Identifican dous furtivos na praia da Reiboa
Por Redacción |
-
Galicia reforza a frota e o persoal operativo na loita contra o furtivismo
Por Redacción |
-
Dous furtivos sorprendidos cando vendían ameixa ilegal nun negocio de Poio reaccionan ameazando aos policías
Por Redacción |