Sanxenxo estrea este verán un campo de voluntariado centrado no coidado ambiental
Por Redacción
Centinelas do mar. Esa é a denominación que recibiu o campo de voluntariado que a Xunta de Galicia porá en marcha por vez primeira en Sanxenxo o próximo mes de agosto, entre os días 6 e 17.
Esta actividade, que contará cun total de quince prazas, estará centrada no coidado ambiental, localización de residuos e recollida dos mesmos en embarcacións tipo kaiak e SUP.
A limpeza de residuos realizarase sempre que o tempo permítao en kaiak e táboas de pádel surf, previa visualización con drons naquelas zonas de difícil acceso, segundo explicaron os seus organizadores.
A actividade incluirá tamén sesións de reciclaxe cos obxectos recolleitos nas zonas costeiras e charlas sobre a protección do medioambiente.
O campo de voluntariado, como o resto dos máis de corenta que se impulsarán este verán, está destinado a persoas de entre 18 e 30 anos, segundo avanzou este martes a directora xeral de Xuventude, Participación e Voluntariado, Cristina Pichel.
Pichel tamén destacou que a oferta da campaña de verán para este ano é a máis alta da historia, ao contar con máis de 10.800 prazas, tres mil máis que o ano pasado e mil máis que antes da pandemia.
O prazo de solicitude aínda está aberto e é accesible na páxina web de Xuventude.
A directora xeral tamén se achegou esta mañá ao IES de Sanxenxo onde se realizou un obradoiro do programa Quérote+ para concienciar ao alumnado sobre a imaxe corporal.
Relacionadas:
-
Activan un novo plan de voluntariado interxeracional en Sanxenxo
Por Redacción |
-
Melloran a cuberta do punto limpo municipal situado en Padriñán
Por Redacción |
-
Cubela recibe ao voluntariado do IX Campo de Traballo Internacional
Por Redacción |
-
RADIO.- Estás na costa e tes un smartphone? podes ser un "valiosísimo" cidadán para estes investigadores
Por Marisa Ciordia |
-
+Xuventude fomenta actividades grupais para a mocidade durante este verán
Por Redacción |
-
Galicia ofrecerá este verán case once mil prazas en campamentos xuvenís
Por Redacción |