Convocadas novas subvencións da ARI de Caldas de Reis
Por Redacción
O Concello de Caldas de Reis abriu esta semana o prazo de tres meses para presentar solicitudes de subvencións para rehabilitacións de edificios e vivendas na Área de Rehabilitación Integral (ARI) da vila.
O programa conta cun orzamento de 250.000 euros, con financiamento do Programa de Rexeneración e Renovación Urbana e Rural do Plan Estatal de Vivenda 2018-2021, e concederanse polo procedemento de concorrencia competitiva.
Na Comisión Bilateral da ARI programouse a rehabilitación de 50 vivendas nesta terceira fase, estimándose un custo total de 500.000 euros, cunha axuda máxima de 250.000 euros, dos que 200.000 proceden do Ministerio de Transportes, Movilidad y Agenda Urbana, e 50.000 euros do Instituto Galego de Vivenda e Solo da Xunta de Galicia.
Para ser beneficiarios desta liña de subvencións o inmoble debe estar dentro do ámbito da ARI e ser destinado a un uso residencial. As obras poden ser de rehabilitación ou para a mellora da eficiencia enerxética e a sustentabilidade. As obras poderanse beneficiar tamén dunha bonificación do 95% no Imposto sobre Construcións, Instalacións e Obras (ICIO).
As persoas interesadas poden asesorarse solicitando cita previa na Oficina Técnica da ARI a través do teléfono de avisos do Concello: 647 574 316; ou por email: ari@caldasdereis.com
O alcalde, Juan Manuel Rey, subliña "a importancia destas subvencións para continuar co imparable proceso de rehabilitación e mellora das vivendas de centro histórico de Caldas, e convidou á veciñanza a aproveitar estas axudas e a utilizar o asesoramento técnico da oficina da ARI dirixida pola arquitecta María Pierres".
Relacionadas:
-
A oficina da ARI de Caldas de Reis atendeu 350 consultas este ano
Por Redacción |
-
A Oficina da ARI de Caldas tramita máis de 100 axudas a familias para a rehabilitación, adquisición e aluguer de vivendas
Por Redacción |
-
A partir de maio serán contratadas por 140.875 euros novas obras para sanear augas residuais de Caldas
Por Redacción |
-
Caldas cede novos espazos ao Sergas para ampliar a área de fisioterapia no centro de saúde
Por Redacción |
-
Caldas estuda a demanda de vivenda pública para impulsar novas promocións
Por Redacción |
-
A mellora da área do Río Bermaña, a 'guinda' á transformación urbana de Caldas
Por Redacción |