Moraña proxecta a mellora do saneamento e de pavimentación en Laxe
Por Redacción
O Concello de Moraña vén de adxudicar un proxecto para pavimentar e acometer obras de execución da rede de saneamento nos lugares de Chaián y A Penagrande, na parroquia de Laxe.
O alcalde, José Cela, achegouse até o lugar para falar coa veciñanza da zona.
A necesidade de acometer estes traballos vén xustificada polo deterioro que sufriu o pavimento na Penagrande polo paso do tempo. "Con esta obra, seguimos apostando por mellorar as nosas infraestruturas viarias, conseguindo máis seguridade e comodidade", asegurou o rexedor.
No que respecta ao saneamento, actuarase na zona de Chaián, na tubaxe que transcorre paralela á estrada provincial EP-8020.
O orzamento global da obra ascenderá a máis de 45.000 euros e está previsto que se dea comezo con ela a partir da próxima semana. O prazo de execución será de tres meses.
Relacionadas:
-
A Xunta licitará este verán o proxecto de renovación das beirarrúas da PO-226 en Moraña
Por Redacción |
-
Moraña verá pasar a cuarta edición do Rally de Pontevedra
Por Redacción |
-
Conceden autorización administrativa previa ao parque eólico do monte Acibal
Por Redacción |
-
A Xunta destina os 400.000 euros do canon do encoro do Umia a financiar actividades sociais en Caldas, Cuntis e Moraña
Por Redacción |
-
A Rúa 7 de Moraña estrea nova imaxe coa renovación do seu pavimento
Por Redacción |