As grandes orquestras amenizarán este verán as principais festas de Poio
Por Redacción
Un fío condutor unirá este verán as principais festas que se van a celebrar no municipio, desde o 22 de xuño, co inicio das Festas de San Xoán, ata finais de setembro coas Festas da Merced. As orquestras de referencia en Galicia amenizarán estes encontros veciñais.
Durante as Festas de San Xoán, o evento máis importante do calendario festivo de Poio, actuarán na Seca tanto a orquestra Panorama como París de Noia.
Agosto será un dos meses máis intensos da programación de Verán en Poio. Nos seus inicios terá lugar o Festival Chalaniña, en Lourido, pensado para as crianzas.
A Festa do Mar, pola súa banda, repetirá formato con respecto a 2021 e aglutinará varias actuacións musicais en diferentes parroquias.
Así, en Raxó actuarán Olympus e Doctor Queen, mentres que El Combo Dominicano ofrecerá un concerto en Samieira. Pola súa banda, Combarro, ademais de acoller o Armadiña Rock, tamén será o lugar no que actúe Gisela e o Tributo a ABBA.
Na Festa da Ameixa de Campelo, no mes de setembro, xa está confirmada a presencia da orquestra América e no festival Sons de Ánkar, en San Salvador, actuará Baiuca o 8 de xullo e un segundo grupo aínda por desvelar.
"Nesta etapa de nova normalidade, queremos que a cidadanía volva gozar cos concertos e verbenas como se facía antes da chegada da covid-19", destaca o edil responsable de Festexos, Xosé Luís Martínez, que confía en que esta programación sexa tamén un atractivo turístico.
Relacionadas:
-
A Festa da Ameixa homenaxeará as mariscadoras xubiladas e recuperará a degustación gastronómica
Por Redacción |
-
Unhas Festas de San Xoán para queimar no lume "o demo da covid"
Por Alejandro Espiño |
-
Baiuca e Andrés Suárez actuarán na nova edición do festival 'Sons de Ánkar'
Por Redacción |
-
Inés Vázquez, alumna do CEIP Chancelas, deseña o cartel das Festas de San Xoán de Poio
Por Redacción |
-
Rebeliom do Inframundo, MJ Pérez e La Quinkillada, as tres primeiras confirmacións do Armadiña Rock 2022
Por Redacción |
-
O San Xoán de Poio volverá ao formato pre pandemia
Por Redacción |