Ponte Caldelas busca unha fronte de 11 concellos que beben de Eiras contra o transvasamento do Verdugo
Por Redacción
O alcalde de Ponte Caldelas, Andrés Díaz, quere promover unha fronte común de alcaldes contra a proposta de crear un encoro en Forzáns e facer un transvasamento de auga do río Verdugo para dar auga para o abastecemento de Vigo.
Así, o rexedor solicitará por carta aos 11 concellos que 'beben' do encoro de Eiras que digan 'NON' a este proxecto, que figura no 'Estudo para paliar a seca do concello de Vigo e a súa área metropolitana’.
Eses 11 concellos teñen rexedores de PP, PSOE, BNG, así como doutros partidos políticos, e Diaz pediralles que amosen o seu rexeitamento á "barbaridade ambiental" que considera que suporía a construción dun encoro en Forzáns e a realización dun transvasamento dende o Verdugo, augas abaixo de Ponte Caldelas, onde se unen os ríos Verdugo e Oitavén, xa no termo municipal de Soutomaior.
"Quero explicarlles os problemas de escaseza de auga que xa temos cada ano no noso municipio e o que suporía para o este pobo realizar un transvasamento do río Verdugo, augas abaixo de Ponte Caldelas", explica. Cada verán, Ponte Caldelas presenta importantes problemas se secas nas traídas veciñais que xestionan comunidades de usuarios.
O Goberno de Ponte Caldelas convocou para o domingo 8 de maio, ás 12 da mañá, unha manifestación diante da Casa do Concello e con percorrido polas rúas de Ponte Caldelas para amosar o rexeitamento de todo o pobo.
A manifestación será o domingo 8 de maio para darlle á Xunta de Galicia "marxe de tempo" para que reciba ao Concello e explique as decisións que van a tomar sobre estas propostas.
O alcalde de Ponte Caldelas indica que se Augas de Galicia e a Xunta de Galicia lle confirman que non executarán nin aprobarán estas propostas, desconvocarán a manifestación.
Relacionadas:
-
Colectivos ecoloxistas súmanse ao rexeitamento á creación dun encoro no río Oitavén e o transvasamento no Verdugo
Por Redacción |
-
Únense as comunidades de montes de Forzáns, Gaxate, Fornelos e Verducido contra o proxecto de encoro no Oitavén
Por Redacción |
-
O bombeo do Verdugo para abastecer a Vigo, segundo a Xunta, "nin é necesario nin achega solucións"
Por Redacción |
-
"Se non puideron con nós as tropas de Napoleón, tampouco o vai facer un encoro"
Por Redacción |
-
Reclaman que a Xunta "non se agoche e dea a cara" na defensa do Verdugo e do Oitavén
Por Alejandro Espiño |
-
Forzáns mobilízase contra o encoro que o Concello de Vigo pretende construír no Oitavén
Por Redacción |
-
Andrés Díaz acusa a Abel Caballero de seguir malgastando auga como na seca do 2017
Por Manu Otero |
-
Ponte Caldelas convoca unha protesta contra o proxecto dunha presa en Forzáns e ameaza coa vía xudicial
Por Redacción |