Rafa Domínguez formaliza a súa candidatura para renovar o seu liderado no PP de Pontevedra
Por Redacción
Preto de 140 avais, cinco veces máis dos esixidos, presentou Rafa Domínguez para poder formalizar a súa candidatura para o décimo terceiro congreso local que organizará o PP de Pontevedra para renovar a súa cúpula directiva na cidade.
Entre os apoios recibidos por Domínguez destacan, entre outros, o da persoa que substituirá a Alberto Núñez Feijóo á fronte da Xunta, o seu vicepresidente Alfonso Rueda.
"Estou completamente agradecido a todos os afiliados que dedicaron o seu tempo en depositar a súa confianza na miña candidatura", dixo o actual líder do PP pontevedrés.
O comité organizador proclamará as candidaturas oficiais esta mesma semana, unha vez se comprobe que as mesmas reúnen os requisitos esixidos e verifique a validez dos avais, aínda que non se espera que haxa alternativa a Rafa Domínguez.
Domínguez mostrou a súa confianza en que este proceso fará do PP de Pontevedra "un partido aínda máis forte e aberto", co obxectivo de chegar á Alcaldía nas eleccións municipais previstas para maio de 2023.
Relacionadas:
-
Rafa Domínguez, reelixido presidente do PP local, pide "unha Pontevedra aberta á ría" arroupado por Feijóo, Rueda e Rajoy
Por Diego Espiño & Cristina Saiz |
-
Feijóo, Rajoy, Pastor e Rueda arroupan a Rafa Domínguez na súa reelección para presidir o PP local
Por Redacción |
-
Rafa Domínguez ficha á doutora Raquel Martínez e á empresaria Silvia Crespo
Por Redacción |
-
Un "think tank" en igualdade, proposta do PP na busca de máis oportunidades para as mulleres
Por Redacción |
-
Rafa Domínguez anuncia a súa candidatura para seguir presidindo o PP: "a miña intención é ser alcalde"
Por Natalia Puga & Mónica Patxot |
-
O congreso do PP local de Pontevedra será o 7 de maio
Por Redacción |