Portugal, Arxentina e Alemaña, os países que máis visitantes trouxeron a Pontevedra en Semana Santa
Por María José Pita
A cidade de Pontevedra pecha a temporada turística de Semana Santa cunha impresión xeneralizada dun aumento considerable de visitantes.
A Concellería de Promoción Económica e Turismo, a través de seu organismo Visit Pontevedra, ofrecerá proximamente un informe completo e detallado cos datos dos viaxeiros que visitaron a cidade.
Como avance, a concelleira desta área, Yoya Blanco, sinalaba as cifras de persoas que se achegaron á oficina de turismo para solicitar información, así como as que participaron nas visitas guiadas organizadas polo Concello.
Entre os días 11 e 17 de abril, a oficina de turismo situada na praza de España rexistrou 827 visitantes, dos que 763 foron nacionais (160 de Madrid, 141 de Castela e León e 71 do País Vasco) e 64 internacionais (26 de Portugal, 9 de Arxentina e 7 de Alemaña).
A edil de Turismo indicou que un total de 209 persoas participaron nas visitas guiadas organizadas polo Concello durante as pasadas xornadas, das que 203 foron nacionais (52 de Madrid, 29 de Castela A Mancha, 25 de Galicia e 24 de Castela e León) e seis estranxeiras (3 de Arxentina, 2 de Alemaña e unha doutro país europeo sen concretar).
"A ocupación hoteleira da cidade foi dun 85% o xoves, o venres e o sábado. Os que nos quedamos por aquí puidemos comprobar que había turistas por todas partes, viámolos cos mapas e visitando diferentes partes de Pontevedra", destacou Yoya Blanco.
Relacionadas:
-
Altas presións nas Rías Baixas con temperaturas que aumentarán ata os 26 graos cara á fin de semana
Por Redacción |
-
O turismo na provincia bateu o récord esta Semana Santa superando os rexistros do 2019
Por Redacción |
-
Valoración positiva en Poio do 65% de ocupación hoteleira acadado na Semana Santa
Por Redacción |
-
Caldas de Reis rozou a plena ocupación na Semana Santa
Por Redacción |
-
Estiman para Semana Santa unha ocupación media superior ao 60%, recuperando os niveis previos á pandemia
Por Oskar Viéitez |