A derriba do muro da Travesía República Arxentina despexa o trazado da nova rúa
Por Redacción
O barrio marinense do Inferniño está a reformularse grazas á apertura do novo viario de Travesía República Arxentina, unha rúa que xa comeza mostrar o seu novo trazado, despois de que se derrubase por fin o muro que separaba ambas partes.
Así o foi comprobar o concelleiro de Urbanismo, Manuel Santos, que acudiu á zona das obras a comprobar o seu avance e toda a mellora urbana que suporá a apertura desta rúa na zona. “Agora xa é máis sinxelo ver o que se gañou e seguirase mellorando, cando se comece coa pavimentación e a creación de beirarrúas, así como a mellora das existentes na zona que xa estaba urbanizada”, explicou o concelleiro.
O novo tramo será de 44 metros de lonxitude e deixa dúas parcelas anexas, nas que é posible levar a cabo unha promoción inmobiliaria, que se volve moito máis interesante coa renovación urbana de Travesía República Arxentina.
Actualmente a execución da obra supera o 50%. Nela, investiranse 241.600 euros con cargo ao Plan Concellos da Deputación.
Relacionadas:
-
Marín estrea unha nova rúa no centro da vila
Por Redacción |
-
Xa está aberta ao tránsito peonil e rodado a Rúa Travesía República Arxentina
Por Redacción |
-
Comezan a repoñer o firme no Camiño da Cascalleira
Por Redacción |
-
As obras para a nova travesía de República Arxentina alcanzan o ecuador
Por Redacción |
-
Marín terá unha nova rúa dentro de tres meses: a Travesía República Arxentina
Por Redacción |