Eva Lantarón, decana de Fisioterapia, proposta como nova vicerreitora en Pontevedra
Por Alejandro Espiño
O actual reitor da Universidade de Vigo, Manuel Reigosa, prevé realizar cambios no seu equipo se, nas eleccións que se celebrarán o próximo 4 de maio, volve ser reelixido como máximo responsable da institución educativa.
Reigosa, que é o único candidato que se presentou a este proceso, necesitará para iso que a comunidade universitaria emita máis votos a favor que en contra da súa continuidade.
Unha das principais novidades afecta directamente ao campus de Pontevedra. E é que Jorge Soto non continuará como vicerreitor. Para substituílo, o reitor en funcións optou por Eva Lantarón, decana da Facultade de Fisioterapia desde 2018.
No seu equipo figuran Miguel Ángel Michinel Álvarez (secretario xeral), José Luis Míguez Tabarés (planificación e sustentabilidade), María Belén Rubio Armesto (investigación, transferencia e innovación), Manuel Ramos Cabrer (profesorado, docencia e titulacións) ou Mónica Valderrama Santomé (comunicación e relacións institucionais).
A candidatura complétase con Natalia Caparrino Marín (estudantado e empregabilidade), María Isabel do Pozo Triviño (internacionalización), José María Martín Moreno (relacións coa empresa), María Isabel Doval Ruiz (benestar, equidade e diversidade), Susana Reboreda Morillo (extensión universitaria) e Elena Rivo López (vicerreitora do campus de Ourense).
Nesta nova etapa, Manuel Reigosa fixou como liñas básicas e transversais do seu goberno o impulso ao galego, melloras en materia de igualdade ou a internacionalización da universidade, atraendo a alumnado e profesorado estranxeiro.
Ademais, marca como retos máis inmediatos a renovación do cadro de persoal, a transformación dixital e a aposta pola sustentabilidade.
Relacionadas:
-
Mercedes Soto, nova decana en funcións de Fisioterapia
Por Redacción |
-
Apoio maioritario do campus de Pontevedra a Manuel Reigosa, que seguirá como reitor
Por Redacción |
-
O novo edificio para Deseño e Xestión Pública, unha "prioridade" para Manuel Reigosa
Por Redacción |
-
Carmen Lence participará nas actividades de Culturkata no Campus de Pontevedra
Por Oskar Viéitez |
-
O novo grao de Deseño ofertará 45 prazas no seu primeiro ano
Por Alejandro Espiño |
-
A Universidade de Vigo elixirá o 4 maio ao seu próximo reitor ou reitora
Por Redacción |
-
Eva Lantarón continuará como decana de Fisioterapia ao ser reelexida por unanimidade
Por Redacción |