Desconvocada a folga de ambulancias do transporte programado da área sanitaria
Por Oskar Viéitez
Para este martes estaba convocada a primeira das catro xornadas de paro na empresa Ambulancias Civera, concesionaria do servizo de transporte sanitario programado e de traslados intrahospitalarios das áreas de Pontevedra-O Salnés.
Despois de referendar o preacordo ao que chegou o Comité de Empresa os traballadores decidiron desconvocar estas mobilizacións, segundo comunicaron.
O Comité denunciaba os "graves incumprimentos" desta compañía valenciana respecto ao prego do concurso e ás condicións laborais. Despois de retomar o diálogo cos responsables da concesionaria as partes chegaron a un principio de acordo que, en liñas xerais, asegura que 22 traballadores, eventuais, en prácticas e interinos pasen a ser indefinidos unha vez terminada a vixencia do seu contrato actual.
Ademais, a empresa comprometeuse a dotar ao persoal dunha uniformidade homologada ás directrices que marca a Lei de Prevención de Riscos Laborais e a acometer unha reforma nas súas instalacións.
Segue aberta a negociación para a rebaixa de horas de presenza a partir do mes de xullo.
Relacionadas:
-
A CIG esixe o rescate da concesión do transporte sanitario programado de Pontevedra-O Salnés
Por Redacción |
-
Traballadores das ambulancias da área sanitaria Pontevedra-Salnés denuncian graves carencias no servizo
Por Mónica Patxot & María José Pita |
-
Convocan folga nas ambulancias do servizo programado e intrahospitalario pola falta de medios e a ruptura do acordo laboral
Por Anxo Lourido |
-
Ambulancias Civera encargarase do transporte sanitario na área de Pontevedra e O Salnés
Por Redacción |