VÍDEO.- Marín arroupa ás familias do Villa de Pitanxo: "O único que pedimos é busca, verdade e xustiza"
Por Diego Espiño & Cristina Saiz
A Alameda de Marín acolleu este domingo 3 de abril unha emotiva concentración convocada polas familias dos 21 mariñeiros falecidos no naufraxio do Villa de Pintanxo o pasado mes de febreiro en augas de Terranova, Canadá.
Nela os familiares defenderon o seu "lexítimo dereito" a pedir que se poñan os medios necesarios para baixar ao barco afundido en busca dos corpos desaparecidos e de probas sobre a causa do tráxico suceso.
"O que pedimos os familiares non é algo extraordinario, nada que non se fixera antes, que se busque a persoas desaparecidas no fondo do mar. Só queremos esclarecer as causas do afundimento e poder facer xustiza, porque nese barco morreron 21 persoas e meréceno", defendeu desde o palco da Alameda María José de Pazo, filla dun dos mariñeiros desaparecidos, en representación das familias.
"O único que pedimos é busca, verdade e xustiza", sinalou criticando a decisión do Goberno de renunciar ao rescate dos falecidos por ser "tecnicamente inviable", un extremo rexeitado contundentemente polos seres queridos dos 21 falecidos xa que "non se pode afirmar que non é viable mentres non se baixe ao barco".
Un dos momentos de maior emoción da concentración viviuse cando tomou a palabra uno dos tres sobreviventes do naufraxio, Samuel Kwesi, afirmando que para el "sempre é día 15 de febreiro", en alusión á data do accidente.
"Eu os vin, vin como sufriron e como algúns dixeron as súas últimas palabras. Non se pode facer xustiza sen as probas, sen baixar ao barco", defendeu o mariñeiro arrincando o aplauso dos presentes.
O acto finalizou coa lectura dos nomes dos 21 mariñeiros falecidos no Villa de Pitanxo xunto a un respetuoso minuto de silencio.
Relacionadas:
-
Aprobación unánime no Pleno de Marín dunha moción sobre o Villa de Pitanxo pedindo "baixar ao buque"
Por Diego Espiño |
-
Samuel Kwesi volve declarar ante a Garda Civil para puntualizar detalles e ratifica a súa versión
Por Natalia Puga | Creada e actualizada
-
A corporación pontevedresa logra pactar dúas declaracións institucionais
Por Oskar Viéitez |
-
As familias do Villa de Pitanxo chaman a concentrarse o domingo: "Non nos imos a esquecer"
Por Redacción |
-
As familias do Villa de Pitanxo lamentan o "desamparo" do Goberno: "Hoxe somos máis viúvas e máis orfos"
Por Alejandro Espiño |
-
O rescate dos desaparecidos do Villa de Pitanxo é "técnicamente inviable"
Por Alejandro Espiño & Mónica Patxot |
-
A Audiencia Nacional "non é competente", segundo a Fiscalía, para investigar o naufraxio do Villa de Pitanxo
Por Redacción |
-
Así foi o rescate: "Non mirabamos nada, levabamos os traxes de frío e aínda así tiñamos frío"
Por Natalia Puga & Mónica Patxot |
-
Avanzan as investigacións sobre o naufraxio, agora centradas nas balsas salvavidas e os traxes que levaba a tripulación
Por Natalia Puga & Mónica Patxot |
-
Volve a casa o Playa de Menduiña Dos, buque clave no rescate e investigación do naufraxio
Por Natalia Puga & Mónica Patxot | Creada e actualizada
-
A "empatía" dos Reis e Samuel, "baluarte da verdade", únicos consolos para a "inmensa dor" das familias
Por Natalia Puga & Mónica Patxot |