Estabilidade no número de casos activos na área: 2.532 pacientes con infección activa
Por Redacción
A Consellería de Sanidade comunica este sábado 26 de marzo un total de 2.532 pacientes con infección activa na área sanitaria de Pontevedra - O Salnés, 22 casos máis que os rexistrados o venres.
Permanecen 43 persoas enfermas hospitalizadas en planta: 35 no Hospital Montecelo e 8 no Hospital do Salnés. Ademais, na Unidade de Coidados Críticos do Complexo Hospitalario Universitario de Pontevedra mantéñense dous pacientes con covid-19.
En canto á realización de PCR, nas últimas 24 horas fixéronse 237, cun total de 217 novos positivos, segundo informan desde a xerencia da área sanitaria. Trátase de 31 contaxios menos que na xornada deste venres 25.
Desde o inicio do plan de continxencia por esta enfermidade curáronse 59.757 pacientes, 197 máis que na xornada do venres. Non se rexistraron novos falecementos e o número de vítimas infectadas polo virus mantense en 264 pacientes.
A incidencia acumulada a 14 días en Pontevedra ascende a 990 por cada 100.000 habitantes.
DATOS COVID EN GALICIA
Saúde Pública confirma nos datos deste sábado a morte de 4 persoas con coronavirus en Galicia. A cifra total de falecementos ascende a 3.198 pacientes desde o inicio da pandemia na comunidade.
Tamén sobe lixeiramente o número de casos activos con catro casos situándose en 23.684 persoas enfermas. Descende en 9 persoas o número de hospitalizacións en planta establecéndose en 439 nos centros hospitalarios de Galicia. Pola contra, aumentan en 3 pacientes os casos graves con 24 persoas nas Unidades de Coidados Críticos.
Por áreas sanitarias, os casos activos son os seguintes: A Coruña-Cee: 5.001 (+27); Vigo: 4.534 (+76); Santiago-O Barbanza: 3.901 (-3); Lugo: 2.744 (-73); Ourense: 2.576 (-106); Pontevedra-O Salnés: 2.532 (+22); Ferrol: 2.297 (+65); e sen área sanitaria asignada: 99 (-4).
Nas últimas 24 horas detectáronse 2.109 positivos novos. Son 60 contaxios diarios menos respecto a os notificados na xornada do venres e 11 menos que os rexistrados o sábado 19.
Relacionadas:
-
Progresa o descenso de casos activos na área sanitaria cun lixeiro incremento en hospitalizacións con covid
Por Redacción |
-
Dúas mortes máis con covid-19 na área sanitaria de Pontevedra: dous homes de 91 e 86 anos
Por Alejandro Espiño |
-
O TSXG permite prorrogar ata o 9 de abril a esixencia do certificado covid en hospitais e residencias
Por Redacción |
-
Nova vítima mortal con covid na área sanitaria, que mantén o incremento de positivos con 114 casos máis
Por Redacción |
-
Novo día con incremento de casos activos de covid-19: 259 positivos notificados e tres pacientes ingresados máis
Por Redacción | Creada e actualizada