E ti como tes o azucre?
Por Redacción
O centro de saúde de A Parda en Pontevedra conmemorará o vindeiro xoves, 14 de novembro, o Día Mundial da Diabetes efectuando probas diagnósticas a toda a poboación que así o desexe.
A Xerencia de Xestión Integrada de Pontevedra e O Salnés sinala que este centro de saúde pontevedrés disporá dun stand divulgativo no seu andar principal. Así mesmo, entre as 9 e as 12 horas da mañá, realizaránse glicemias -controis dos niveis de azúcar no sangue- a todos aqueles usuarios, sexan diabéticos ou non, que estean interesados en someterse a esta proba de control, aínda que non teñan asignado o seu facultativo no centro de saúde de A Parda.
A prevalencia de diabetes acada o 10 por cento no noso entorno xeográfico
Segundo revelan os últimos datos, a prevalencia de diabetes acada o 10 por cento no noso entorno xeográfico, circunstancia pola que adquire maior relevancia a realización destas probas de control no eido da Atención Primaria.
Estudos de incidencia da diabete tipo 1 en España revelan que hai afectada con esta patoloxía unha media de 11,3 individuos de entre 0 a 15 anos por cada 100.000 habitantes; e 9,9 individuos de entre 15 e 29 anos por cada 100.000 habitantes.
Así mesmo, a diabete tipo 2 é a máis frecuente en idades avanzadas en España, cando existen antecedentes familiares con diabete e en persoas con obesidade. Por enriba dos 75 anos, a prevalencia é do 41,3% en mulleres e de 37,4% en varóns, mentres que a prevalencia media total en España en persoas maiores de 18 anos é do 13,8%.
Relacionadas:
-
As farmacias pontevedresas únense para detectar a diabete: farán probas gratis durante dous meses
Por Redacción |
-
Por que o Concello se pinta de azul?
Por Redacción |
-
O Concello de Pontevedra iluminarase de cor azul con motivo do Día mundial da Diabete
Por Redacción |
-
Comezan as xornadas de atención a alumnos con diabete
Por Redacción |
-
O CHOP revisará a atención a nenos con diabete, pero non refozará o servizo con outra pediatra especializada
Por Redacción |