Un informe de Intervención rexeita aumentar a partida para a conservación dos petróglifos de Cuntis
Por Redacción
O orzamento municipal de Cuntis para o ano 2022, aprobado a principios do mes de marzo, prevé unha partida de 6.000 euros para conservación e mantemento do patrimonio etnográfico.
Esta dotación permite afrontar sen axuda doutras administracións tarefas periódicas de roza e limpeza na contorna de áreas como as Cardecide, A Ran, Cequeril ou Castrolandín, supoñendo un dos principais activos do municipio xunto ás termas.
Ademais existen máis dunha ducia de conxuntos arqueolóxicos de menores dimensións nos que o Concello realiza tarefas esporádicas de prevención de incendios ou evitando a plantación de eucaliptos na súa contorna para evitar danos por mor das raíces.
Trátase dunha partida económica que, a través dunha alegación ao orzamento, solicitaron aumentar desde colectivos ambientalistas atopándose cunha resposta negativa por parte do servizo de Intervención, tal e como asegura ter previsto explicar o alcalde Manuel Campos no próximo pleno, ao sinalar que "cando deba de realizarse un gasto que non teña suficiente crédito no nivel de vinculación xurídica, deberá tramitarse previamente o oportuno expediente de modificación de crédito. Poderán efectuarse retencións de crédito naquelas partidas aquí non indicadas e nas que se estime procedente facer a reserva de crédito co fin de non ser consumido pola bolsa de vinculación xurídica".
Relacionadas:
-
Cuntis aproba de xeito definitivo o orzamento para o 2022 e o plan de axuste económico
Por Redacción |
-
Impulsan un proxecto para poñer en valor o conxunto arqueolóxico dos petroglifos de Mogor
Por Redacción |
-
Aprobado o orzamento municipal de Cuntis cun incremento das partidas sociais e unha aposta polo polígono
Por Redacción |
-
O goberno local de Cuntis presenta un orzamento municipal que supera os 4,6 millóns de euros
Por Redacción |
-
O goberno local de Cuntis presentará un orzamento para 2022 de máis de 4 millóns de euros
Por Redacción |