VÍDEO.- 'Equipo Ja' celebra co seu pregón o regreso dun Entroido que "é máis necesario do que cremos"
Por Diego Espiño & Mónica Patxot
Xa é Entroido en Pontevedra. Dous anos despois, tras a suspensión de 2021 debido á pandemia, a Boa Vila volve contaxiarse dunha das súas festas preferidas, aínda que a situación da covid faga que a programación non sexa completa, con ausencias como as do tradicional desfile ou a Mostra da Parodia.
Con todo co que non pode o virus é coas ganas de divertirse, e reflexo diso foi a intervención dunha das agrupacións clásicas do entroido pontevedrés, o 'Equipo Ja', encargados de ler nesta ocasión o pregón.
Antes o Rei Urco daba a benvida a un entroido ao que "botabamos de menos", desexando a todos os pontevedreses "que o pasedes ben e sobre todo con sentidiño".
En canto ao Equipo Ja, recibidos cunha sintonía similar á da popular serie televisiva da que nace o seu nome, e con dous dos seus integrantes destacados como 'Pallasos da Tele', declaron estar orgullosos de dar o pistoletazo de saída ao "mellor Entroido de Galicia, España e do Mundo", porque "polo menos aquí si que gañamos a Vigo e a Abel Caballero".
Lembrando a todas as agrupacións, charangas, comparsas e persoas que participan cada ano no entroido pontevedrés, e lamentando que a celebración non poida ser aínda completa, defenderon a "alegría, retranca, picaresca e crítica" desta época do ano, porque "o Entroido é máis necesario do que cremos".
Como colofón á súa actuación, o 'Equipo Ja' preparou a súa particular interpretación do Benidorm Fest, sen deixar indiferente a ningún dos asistentes que poboaban a Praza da Ferrería, porque como ben gritou o Rei Urco, "que viva o Entroido de Pontevedra!".
Este sábado 26 de febreiro a diversión terá continuidade con pasacalles por diferentes puntos da cidade, talleres de xogos e disfraces na Praza de Barcelos (12.00-13.30 horas) e na Rúa Serra (17-00-18.30 horas) e tamén cunha representación de Entroidos Tradicionais a partir das 17.30 horas polo centro histórico.
Serán as primeiras citas dunha semana de festexos que se reserva grandes momentos como o regreso das Murgas, un Día Pirata e a popular queima do Loro Ravachol.
Relacionadas:
-
VÍDEO.- 'Equipo Ja' vence na final do XXX Certame de Murgas
Por Redacción |
-
O Burla Negra tamén piratea de día e con tempo desapracible
Por Mónica Patxot & Anxo Lourido |
-
VÍDEO.- Santa Clara e o Benidorm Fest triunfan no divertido regreso do Concurso de Murgas
Por Diego Espiño & Mónica Patxot |
-
Tres doses da vacina para un Ravachol que non quere perder "nin un Entroido máis"
Por Alejandro Espiño & Mónica Patxot |
-
O Entroido de Pontevedra vívese nas súas rúas con obradoiros infantís e charangas
Por Redacción & Cristina Saiz |
-
O Concurso de Murgas redúcese a dous días ao contar con só catro agrupacións inscritas
Por Redacción |
-
Santiago Paredes fai entrega dos dous modelos de cartel para o Entroido da cidade que comeza este venres
Por Redacción |
-
Urco, rei do Entroido, volverá o 25 de febreiro a insuflar festa e tradición nas rúas pontevedresas
Por Redacción |
-
O Entroido pontevedrés quenta motores: "Os de Sempre" preparan o seu debut nas Murgas
Por Redacción |
-
Só as murgas e Ravachol se salvan do tradicional Entroido pontevedrés
Por Alejandro Espiño |