A Deputación considera "totalmente insuficientes" as obras que a Xunta iniciou no Pazo de Lourizán
Por Redacción
A Deputación de Pontevedra considera "totalmente insuficientes" as obras, orzamentadas en 208.245 euros, que a Xunta de Galicia vén de comezar no Pazo de Lourizán.
A Administración Provincial lémbrarlle ao Goberno galego a súa "obriga legal" de acometer a rehabilitación integral desta xoia patrimonial da arquitectura civil galega, "cuxa conservación é de responsabilidade da Administración autonómica en virtude dos convenios asinados e en vigor".
A Deputación pon novamente de manifesto que un informe técnico emitido polo servizo provincial de Arquitectura xa en 2019 diante do risco de ruína do Pazo, valora as actuacións necesarias e urxentes en 14.255.010 euros, "polo que non pode darse por satisfeita nin por cumprido o convenio con esta pequena actuación".
Dende o Goberno provincial indican que a cláusula terceira do convenio, asinado en 1991 e en vigor, compromete á Xunta a "efectuar, previo informe da Consellería de Cultura, as obras de conservación necesarias para o mantemento da zona nobre do actual conxunto, respectando en todo caso o seu carácter artístico e monumental e concertando previamente coa Deputación calquera posible alteración dos elementos que a compoñen".
Relacionadas:
-
O BNG demanda á Xunta a "rehabilitación integral" do Pazo de Lourizán e un plan de usos "ambicioso"
Por Redacción |
-
O TSXG condena á Xunta a realizar obras de conservación no Pazo de Lourizán
Por Oskar Viéitez |
-
Demanda parlamentaria á Xunta para que rehabilite o Pazo de Lourizán
Por Redacción |
-
A Deputación acudirá á Xustiza para reclamar que a Xunta rehabilite o Pazo de Lourizán
Por Cristina Saiz & Anxo Lourido |
-
A Deputación dá un ultimato dun mes á Xunta para que realice obras de conservación no Pazo de Lourizán
Por Redacción |