A área recreativa da praia fluvial de Carballedo terá un albergue para peregrinos da Vía Mariana
Por Redacción
Ata oito prazas terá o futuro albergue de peregrinos que se porá en marcha na área recreativa da praia fluvial de Carballedo, para os visitantes da coñecida como Vía Mariana.
O albergue estará situado no local municipal existente nesta área recreativa.
O alcalde de Cerdedo-Cotobade, Jorge Cubela, está xestionando con outras administracións unha subvención para afrontar a remodelación de edificio que os técnicos valoraron no seu proxecto nuns 50.000 euros.
O goberno municipal quere así explotar o tirón turístico dunha vía que discorre polas parroquias de Augasantas, Valongo, Loureiro, Carballedo, Santa María de Sacos e San Xurxo de Sacos, antes de adentrarse xa no municipio de Campo Lameiro.
A este respecto, o Concello manterá varias xuntanzas coas comunidades de montes para solicitar a súa colaboración á hora de acondicionar sendeiros e facer labores de roza e mantemento de espazos e camiños por onde pasa esta Vía Mariana.
Cubela sinalou que esta decisión vén como consecuencia da xuntanza mantida con responsables da Vía Mariana "onde lle fixemos ver o noso compromiso con esta iniciativa que agroma como unha ruta alternativa nos tempos da peregrinaxe a Santiago de Compostela".
Relacionadas:
-
O vello refuxio de pescadores de Carballedo xa é un albergue para peregrinos
Por Redacción |
-
Comeza a nova etapa do vello refuxio de pescadores de Carballedo como albergue de peregrinos
Por Redacción |
-
A praia fluvial de Cerdedo buscar dar un salto de calidade
Por Redacción |
-
Aberto ata o 10 de agosto o prazo para presentar ofertas para o albergue da Vía Mariana
Por Redacción |
-
Turismo de Galicia cofinancia o albergue da Vía Mariana xunto á praia fluvial da Chan
Por Redacción |
-
A poda de árbores da alameda completa a posta a punto dos espazos públicos de Augasantas
Por Redacción |
-
Cerdedo reabre a área de lecer fluvial
Por Redacción |
-
Limpan as áreas recreativas e as praias fluviais de Cerdedo-Cotobade ante a chegada do verán
Por Redacción |