A morte dun home de 85 anos en Montecelo eleva a 243 os falecidos con covid na área sanitaria
Por Diego Espiño
A Área Sanitaria de Pontevedra e O Salnés notificou o segundo falecemento esta semana dun paciente por coronavirus.
Trátase dun home de 85 anos, no Hospital de Montecelo, e que eleva a 243 as mortes de persoas con positivo activo por covid na área pontevedresa.
Polo demais, o Servizo Galego de Saúde informou que este martes 1 de febreiro son 6.785 os casos activos aos que se dá seguimento, o que supón 197 menos que a xornada anterior.
Desmenuzando os datos, esta nova xornada de descenso baséase como nas anteriores no elevado número de altas epidemiolóxicas dadas (706), que superan a uns novos contaxios que seguen roldando o medio milleiro diario, xa que se sumaron ás estatísticas 509 positivos.
En canto á situación hospitalaria son 88 as persoas infectadas polo virus as que permanecen ingresadas en Pontevedra e O Salnés, 5 delas na Unidade de Coidados Intensivos de Montecelo e o resto en planta repartidos entre o Complexo Hospitalario Universitario de Pontevedra (69), o Hospital do Salnés (12) e o Hospital QuirónSalud Miguel Domínguez (2).
Desde o inicio da pandemia superaron o coronavirus 42.753 persoas na área sanitaria.
Por último, a nivel autonómico Galicia inicia o mes de febreiro con 60.720 casos activos, é dicir, 2.147 menos que o luns.
Relacionadas:
-
Os casos activos de covid soben ata os 6.576 na área sanitaria rompendo varios días de descenso
Por Diego Espiño |
-
O falecemento de dous octoxenarios con covid eleva a 245 o número de vítimas mortais da pandemia na área sanitaria
Por Redacción |
-
Nove persoas menos hospitalizadas con covid na área sanitaria, con 6.564 casos activos
Por Diego Espiño |
-
As farmacias de Pontevedra detectaron 4.000 positivos por covid-19
Por Redacción |
-
Un novo falecemento embaza a baixada de casos activos de covid na área sanitaria
Por Diego Espiño |
-
A área sanitaria pecha a semana con 7.324 casos activos de covid, 267 menos que o sábado
Por Diego Espiño |
-
Descenso de hospitalizados por covid e de casos activos a pesar de rexistrarse 546 novos contaxios na área sanitaria
Por Diego Espiño |